Day 7 回程一天 (25/9/2010)

早餐再吃多次樓下的早餐，今次點了花生多士+漢堡飽。

收拾行裝後將行李寄存在住宅管家，然後去吃個東區粉圓(NT50)，同上次吃的感覺一樣咁好味。之後經過義美，竟然全線8折，激死!! 唯有再度入貨冲淡佢:)

回酒店取行李後再一次去台北車站地下街最後衝刺。買了李儀手信、Mister Donut。由於趕搭3:30pm 國光巴士，先到台北車站上層吃點東西。原來開了很多食肆，food court每一區都分開不同食物種類，咖喱啦、牛肉麵啦、西餐啦....分開唔同地方, 好systematic架。最後我地揀左牛肉麵同牛肉卷，意想不到咁好食，令我地今趟台北之行添上完美的句號，YEAH!!

Day 6 繼續休閒日 (24/9/2010)

早餐由kankan負責到樓下買，我吃腿蛋治、豆漿，kankan吃漢堡飽、咖啡，漢堡飽出奇地好食，都只係總共NT130。在地下街逛逛，中午到新光三越 food court，點了肉骨茶麵(NT128)及鐵板(NT160)，肉骨茶麵全冇肉骨茶味，怪怪的。慘啦，食完kankan同我都好眼訓添 :D
接著，kankan帶我到中山站地下街逛書店，原來真係好好好好遠架。之後返回台北車站附近走走。晚上到師大夜市，好多學生哥己經聚集，D野食都幾特別，我地先買了生煎飽吃(NT30)，要先排隊買飛，再等跳字板show number，點知係呃人架，你一日唔俾張飛佢，你永遠都唔會叫你個號碼，激死!! 之後吃了燒腸仔燒雞脾甜不辣(NT30)，好味。另外重頭戲係卥水配搭(NT130)，會幫你加熱，雖然要等20分鐘，但好味，吃到飽飽 :)

Day 5 休閒日 (23/9/2010)

休閒日子正式開始，由於準備吃自助火鍋，早餐不敢吃太飽，先去書局街買書，原來墊腳石並不是最抵的書店喇，我地走遍咁多間書店，總結三民書店係最抵，一般正價書都有9折。今次我地買左好多書，除了幫朋友買之外，kankan買了看懂經濟第一本書...(我剩係記得這本:D) 我就有蝸居、為何而生為何而活、瑜伽物語、跟誰都能聊不停
12:30到馬辣火鍋盡情咁吃，有美國頂級牛，雪降牛、羊、手打蝦膠、花枝膠，都好好味。另外，有好多海鮮，帶子、蟹、魚....甜品生果、支裝汽水、配料任攞、Haagen Dazs & Movenpick各有８款，埋單都係NT399+10%/person，超抵!!
吃飽飽之後再到Mirada掃美麗日記NT634。然後回東龍取回行李到住宅管家去。先到一橦building check-in，然後到另一building頂樓。但電梯只到15樓，要自行上一層樓到１６樓，拖著行李都幾辛苦架。
settle down後出街逛逛，亂打亂撞見到義美蛋榚，買來當手信。又行了地下街買了NT150布鞋。晚餐在忠孝敦化附近小店吃，點了魯肉飯、米粉湯、油豆腐同豬皮NT130。再到24小時誠品店逛，11pm才離去。難得咁夜才回酒店，值得記錄下來懷念一下 :D

Day 4 揀相(22/9/2010)

早餐吃my favourite MOS Burger NT130，午餐在八方雲集醫肚NT115，約了1pm睇相，total影了400，1st round cut走200，歷時6個鐘，原來台灣是正日放假，當晚法巨Boss Lee一班人在馬路邊燒野食，仲俾左少少我地食添:) 其間Boss Lee都有游說我地買多d，話additional50~60有discount，當時我地已經cut剩60~70張，要我地重申再揀返多Ｄ感覺上仲難過cut, HAHA
揀相其間真是一個折磨，初看真係不知cut 邊張好，好彩有四大「娘」野：無聊琴、核突紗、污槽熊同ｘ居瓣的幫助，最後cut剩50，搞掂!
晚餐到士林夜市，吃了魯肉飯NT20 炒米粉NT30　木瓜奶NT50　魷魚焿NT60　十全排骨湯NT70　炒青菜NT40
吃到很飽，回酒店前kankan還要買楊桃冰飲，實在太誇張喇!!!

Day 3 Photos Taking (22/9/2010)

早上6am起床，由於8am要到法巨化妝，kankan先到樓下買早餐，我吃了饅頭，kankan吃了菜肉飽+米漿NT60，好彩kankan醒目，拖個喼去。先買些飲品+餅乾@7-11 NT148。

到法巨的時候，化妝師竟然未到，她來到後化妝、換拖尾婚紗，最不情願是要付定妝液(2支面3支身，kankan都要搽兩支) HK$175/bottle。

好喇，連kankan都換左白色禮服(仲化左妝添，化妝師話你白呀，記住晒黑d啦:p)，開始出發。先去陽明山，路線如下：路軌的地方--->瀑布---->樹林--->換裝(短婚紗)--->三芝 (入場費NT1500) 景點有水池、船、類似翡翠灣小白屋--->換裝(粉紅色晚裝)--->茶園--->草地---->海邊--->換裝(黃色晚裝)--->稻田--->海灘(影日落)--->換裝(粉藍色晚裝)---->淡水情人橋

7pm終於完成，再由淡水返中正紀念堂大概1小時，8:30pm離開，離開前付埋外景+造型師+定裝液費用NT14500，好肉痛!!

拍照其間，差點中暑，幸好有白花油提提神。另外，在草地影影吓相，kankan肚餓到連攝影師助手都聽到佢打鼓，笑死人:D

第二餐要到9:30才吃，再到大排擋買外買，蝦仁炒飯NT70、呀宗麵線NT45、八坊雲集NT30、Mister Donut NT35

P.S. 回酒店的善後工作係洗左５次頭....落妝...好倦

Day 2 Fitting (20/9/2010)

朝早KanKan話想試一試東龍個早餐，跟上次同屋企人一樣，火腿煎蛋，咖啡/茶，感覺意猶未盡。再去M記買個bagel配果占NT49。由於book左2pm試衫，先去小六蘭州拉麵吃NT230，去7-11買了好吃的花生包+drinks (NT50)

到達法巨之後，試衫過程總算順利。先帶我們到兩間放滿晚裝的房揀衫，覺得合適的話可拉開拉鍊一陣慢慢試。相比monalisa唔俾你即場揀好好多。試衫的姐姐會將你揀的色係分類。逐一幫你試。我地揀左粉紅、粉藍同鮮黃色。其間楊sir剛巧在場，帶我們看他的相，並提議婚紗最好揀些輕盈d，短裙感覺也不錯。

6pm離開，由於未肚餓，先去Q-Square買左pop corn NT210，地下街買左本按摩書，超值價NT99，再到Mirada掃貨NT956。最後於西門町大排擋買了排骨飯+炒菜 NT135，關東煮 NT90，飽飽!!

P.S. 朝早天晴，風還好大，到傍晚下起雨來，有些擔心明天的天氣

Day 1 of Pre-wedding photos + Taiwan Trip (19/9/2010)

台灣又打風喇!! 今次係超級颱風「凡亞比」，幸好飛機冇阻延。搭3:30pm機，先去Terminal 2 食個lunch，Burger King + 炒金邊粉出奇地好食。搭飛機其間氣流好犀利，有驚冇險終於到達，今次唔坐飛狗改坐大有巴士 (NT90/person)，可以看到沿途街景，風勢真係好大但冇雨，見到街上的招牌搖搖欲墜，d樹吹到東歪西倒，咪話唔驚。

在台北車站落車，先到東龍check-in並放低行李。然後當然係搵野食啦。

開支如下：捷運優遊咭 NT1000， Mister Donut NT35， 東龍4天房租 NT7200， 鴨肉扁 NT350， 串燒 NT70 ，牛乳大王木瓜奶 NT70 ，NT39店 NT78



早些休息，明天要去法國巨星試衫。

深圳兩天遊

Day 1 (1/7/2010)

趕得切11:00前到美心share 1 個早餐，過境後第1站到香格理拉酒店內的<香宮>吃RMB98自助點心。限點3個round, 最好吃是海鮮粥，內有蟹，幾有鮮味。點了蝦鮫但來了小籠包，唔好食。因每款都有3件，下次最好多人share (其實不會有下次J)，最差係叉燒酥，那種味道似鳳梨酥，好怪。2:30左右離開，買了地鐵八達通，羅湖->老街站，一程都係RMB1.9，再到新安假日渡假酒店check in. RMB300/day算好好，最估不到係早餐，竟是自助早餐，種類不少，勤勤還吃了腐乳揸麵包，感覺好怪。放低行李到科學館站書城，4個出口試左3個，最後發覺原夾第一個已經可以，樓高4層，因在1/7假日有85折，總要買些書拿個優惠J

行到6pm，收下太陽，感覺好多。再到附近JUSCO逛，最後在food court吃了吉野家牛肉飯同泡菜鍋飯，承惠RMB45，難以置信!!

(勤勤按：而且都幾好食!)

Day 2 (2/7/2010)

遲遲不肯起床，9am到樓下吃完早餐再訓，最後1pm check out. 先到附近<忍者居>醫肚，壽司7折，再點了拉麵加炸豬排，RMB100左右。由於天氣實在太熱，本來想再逛逛，最尾都係直接到福田水都按摩。RMB128/2hrs，任食生果，雪糕，包2杯飲品。玩左乒乓波(後來吃完飯已經冇得玩lu)，食了一個差d兩個人都食唔晒的生姜牛肉炒飯(但搵唔到有姜囉)，食了綠茶味、紅豆味雪糕，啫喱，大量生果，好飽! 10:30pm離開。原來福田口岸已關，有車(好似包車咁J)送到黃江過關，乘過關巴士($45)去灣仔再轉車，行程完畢。

(勤勤再按: 下次會再試D平D的按摩地方先)

Day 7 (4/10/2008)

今日在台灣最後一天，唔可以再錯過台灣的早餐，揀來揀去，最終勤勤選了飯糰同米漿(味道似芝麻)，我就始終揀番My favourite MOS :P

之後先去書局街買書、再買手信。

由於天氣好熱，估唔到離開台北前仲有機會俾我地試到奶冰。好食，又唔太甜，有粟米，我最鍾意 :P
仲有少少時間，去Starbucks坐一會先

好啦，搭1400飛狗到機場去。Check-in 完，去搵野食醫肚。

有拉麵 大包

到候機室，竟然有個好靚的地方影相

終於結束7天台北開心之旅，而我亦都完成左suppose假期完畢前的assignment :P

Day 6 (3/10/2008)

原來台灣食肆的早餐時間最遲去到10:30，我地錯過左，唯有折返我地的飯堂MOS，我點了hot dog，勤勤點了野菜漢堡，係季節限量供應架。

好啦，先到國父紀念館看士兵換更，當中的過程冇影，反而影左在電話亭扮講電話。勤勤好似好鍾意張相咁，唔知點解?!

跟住去101看台灣全景 ，突然間好似去左日本咁

商業區竟然見到田地，真係估唔到 :)

好啦，又係tea time :)
今次去左101入面的cafe，環境好靚，感覺好似置身歐洲一樣的

睇吓個咖啡蛋糕似唔似瘦肉

勤勤仲食得好陶醉

享受左個好悠閒的下午


食完甜品，跟住到鼎泰豐，沒想像般好吃。好啦，時間差不多，是時候返回西門町睇戲。
點知，意想不到的事發生，一直好想試勤勤提過的關東煮，但一直見不到。當我們本想回酒店休息一會途中，俾我們見到。第一時間買了鴨血榚、肉卷、蘿蔔等等，興高采烈返酒店開餐 :P

Day 5 (2/10/2008) - Part 2

向十份乘火車出來然後就去九份，原定在巴士的，不過由於時間都唔早 (出到瑞芳火車站時己經4點幾) 所以決定坐的士去。原來由瑞芳去九份的車費係定價的，唔怕司機收多 :D

上到九份又係下雨天，我第三次去九份都係落雨的，本來想同琛琛一齊遊覽陽光下的九份...要等下次啦。

天陰陰的情況下影左張琛琛觀景圖 :P
落雨天濕濕的，琛琛同我都冇乜心機慢慢睇，所以行左大約一個鐘就走啦。
當然都會試下個綜合魚丸湯，好大粒的包心魚丸!
跟住就坐巴士回忠孝復興站，琛琛同我都訓左...實在坐車訓覺好舒服 :P
返到忠孝復興站大約6點半到，本來定左呢日回程後去鼎泰豐食小籠包，不過呢個時間會好多人，都係第二日先去啦。
所以向復興站的SOGO逛一會就回西門町。
我尋晚買外賣晚餐時見到一間石頭飯專門店，就提議去試下。

不過去到西門町時呢個睇真d呢間專門店又細，又冇sample睇下，冇乜信心，都係唔食啦。
跟住行下行下，見到和民，諗住試下台灣的和民分店。
點知上到去見到一間我地之前睇過好想食的咖哩店!

就係呢間 "魔法咖哩"啦!
我點了人氣咖哩牛肉飯，琛琛就食左露荀起司排骨飯 :D
呢間的咖哩原來唔係日式的，即係話會辣架!
個餐牌寫明"咖哩唔辣唔好食" :P
好彩佢地可以加cream落d咖哩汁等咖哩冇咁辣。
好食到琛琛要帶佢個筷子套向手腕 :D

食飽飽，慢慢行返酒店，一開門發現 PoohPooh等我地門 :)

Day 5 (2/10/2008) - Part 1

今天的行程相當緊密。一早醒來，原打算坐8:38台鐵去瑞芳，點知班車取消左，唔緊要啦，咪等下一班囉，等我慢慢品嚐吓手上的Bagel 先 :)

好食，麵包煙煙韌韌，配腿蛋暖笠笠 :)

好啦，車來到了，原來有編位置架，我地坐11號車廂，影番張相留念先

Aiya! 原來下一架到十分的車要11:00多才到站，要在瑞芳呆等lu。

我地逛呀逛，抱住「有的係時間，最鍾意混吉」的心態，連超級市場<頂好>都逛過了，最後到QK Cafe休息吓。好不容易終於上到火車，向十分出發!

到啦到啦，落車第一時間緊係影相啦 :)

我地的平衡力都唔錯架。

我地仲互相寄明信片俾對方添，勤勤寫得好快，一下子就寫完啦，佢仲話「思緒如潮湧」呵呵:D

係木製的名信片嚟架，呢張係勤勤揀俾我

呢張係我寄俾勤勤，唔知幾時會收到呢，好期待啊 :)
路軌兩旁係住宅嚟架 ，咁火車經過的時候，咪好嘈囉?!

沿途的風景都好靚架，似唔似去左日本呢?

後面條吊橋，我地一陣會經過

睇吓幾快，唔駛一秒鐘，到左.... :D
勤勤終於征服左...條橋啦，幾威風 :)

沿途的景色真係好靚架，俾我放多幾張啦 :P

後面都係火車軌嚟架

沿途一個人都冇，鍾意點影都得 :)

睇吓呢兩張相影得幾靚，勤勤的Pose唔錯 :)

瀑布好壯觀!

行到悶悶地，好在預先買左個花生包醫肚，個包出奇地好食。

原本以為14:09可搭火車回瑞芳，怎料要等到15:32。唉呀!唉呀! 突然覺得時間太多，點算?!
唯有搵地方醫肚啦。走入一間鋪頭，估唔到食物比度小月、永康牛肉麵好吃得多。

勤勤手上正是老板娘推介的炸醬麵，D麵好爽口，唔油架

另外仲點了炸雞卷、豬紅同菜，D菜淋上魯肉汁，好味 :)

呢張相似唔似走入左另一個世界呢，好詭異 :P

Day 4 (1/10/2008)

今日陽光好好，終於可以戴勤勤送的太陽眼鏡啦 :)

第一個行程當然係幫襯MOS Burger啦。點餐後，我們上二樓坐靠窗位置。
環境好舒適，遠離人來人住的香港，如果成日可以同勤勤咁悠閒地歎早餐，人生就實在太美好不過了:P

講番D嘢食先...呢個係我點的蕃茄芝士蛋包，嘩! 你睇吓個賣相幾靚，真係好好好好食呀 :)

勤勤點了火腿蛋包同可樂餅，我都試過，可樂餅裡面full of 薯仔，啱晒勤勤啦 :)

好啦，食飽飽，出發去坐貓空纜車。

坐左足足成個鐘頭纜車，都只係每人NT 50，抵!!

去搵個地方飲茶休息吓先

咦! 呃人架，行左好遠都搵唔到邀月茶坊。最後折返之前經過的貓空巷休息。

休息夠啦，諗住搭貓空回程。點知，纜車停止服務。到15:30才有專車截我們下山。

事後才知道由於土石流(唔知同前幾天打風有冇關係呢?!)，貓空將停駛１個月。

勤勤! 我地不得不承認：「我地真係好好彩啊!」:D

落山後急不及待去度小月醫肚，沒有想像般好吃

紅豆湯粉圓煙煙韌韌，味道都ok架，豆腐花就硬左D。其實兩個人"share"一碗已足夠 :)

去到誠品旗艦店，我已經好攰啦。本來打算到101看夜景，其實我就快支持唔住啦。勤勤建議遲些再去。他先陪我回酒店休息，然後他再買東西回來吃。實在太體貼啦，哈哈!

他買了老天祿鴨舌、香香雞、KFC新出的三文魚包，仲有我最鍾意MOS出品的粟米湯，還有香港冇的紅豆白肉批。要勤勤為我東奔西跑，我都好過意唔去，亦好感動。勤勤，你對我真好啊 :P

Day 3 (30/09/2008)

今天是歷史一天遊。
09:30在酒店吃早餐，唔...勤勤和我都決定後幾天的早餐有別的更好選擇。心中早已鎖定隔離24小時Mos Burger，諗起都開心:)

第一站去總統府，沿途經過麵包店，梗係入去幫襯吓啦。我揀左橘子muffin，勤勤就要了吞拿魚酥。
得悉總統府只向外開放到12:00，而11:30截止登記的消息，我倆都大叫好彩。仲有職員沿途講解，難得...千載難逢...仲有乜野更好的形容詞呢!?

你睇吓勤勤嗰樣幾精神:D

接著步行到中正紀代堂，我們仲寄明信片返屋企添。話時話，唔知幾時會收到呢?

好啦，個肚餓到打鼓啦，快d去醫肚先。行呀行，搵呀搵，終於找到永康牛肉麵。點了粉蒸排骨、清湯及紅燒筋腩麵。我個人認為冇咩特別囉，當中亦有好多香港人拿著旅遊書慕名而來，唔知佢地有冇些被騙的感覺呢?!

好彩之後有個朱古力磨菇補數，哈哈，開心返晒 :)


勤勤話一定要影相留為紀念

順道去勤勤住過的民宿留影

好啦，係時候去下一站故宮，否則趕唔切啦。
終於俾勤勤睇到大白菜同扣肉的真身，原來故宮博物館內仲有好多印仔給架，好彩之前聽勤勤話買左本簿仔，否則少左好多樂趣 :p


跟住搭的士去美麗華商場，坐摩天輪之前先去吃點東西，休息吓。

呢度似唔似去左泰國的shopping mall呢?!
間餐廳環境唔錯，食住少少嘢先，因為一陣會去士林夜市吃過飽 :)

下面係水黎架，仲用沙砌成圖案，好得意啊 :)


最後一站係士林夜市，睇吓d嘢食幾好味 ，有魯肉飯、蚵仔煎同豬骨燉湯
呢支係傳聞中的燒粟米，燒到黑炭咁，食落去似燒魷魚的味道，好笑 :D

Day 2 (29/09/2008)

今早醒來風勢已減弱不少。不過仍然留在酒店內較為安全，先到餐廳享用早餐。食物種類相當豐富，我喝了熱豆漿，好暖胃啊:)　又試了台式早餐 。

勤勤也吃了不少，係咪好滿足呢?

等待酒店shuttle bus其間，當然不會放過在酒店周圍留影的機會啦:D


好有渡假感覺，呢張相好似key勤勤嗰樣落去咁，搞笑:)


落返山，到萬事達(Wonstar)酒店。原來酒店就在西門町旁，非常方便。由於14:00才可check in，放下行李寄存，先吃鴨肉扁做午餐。幸好來快一步，之後人開始多起來 了。

睇吓勤勤嗰樣就知有幾肚餓啦！麵比米粉好吃，好啦，我地開餐啦:P


鴨肉扁係頭盤，main course終於出場，登登登登～胡椒餅正式出場。
hum..熱辣辣，好有胡椒味:)

跟住去左逛書店，仲帶左隻Pooh Pooh返香港添:) 買完書梗係要坐低休息吓啦。呢間係勤勤極力推介必定要去的cafe shop，圖中成塊面咁大的就係latte，我點了mocha。



唔好俾勤勤的表情呃倒，杯咖啡唔熱架！食物賣相值８分，但味道指數得４分，唔合格呀！有少少失望

休息夠了，到下一個景點啦～故事博物館
我們一起上堂聽書

勤勤想試吓擦鞋喎，點呀?乾唔乾淨?
頭上的燈籠好靚呀
勤勤去左派出所幫手

離開故事博物館後玩左射籃球啦、夾公仔...呃人架，都夾唔到，激死!

去左爭鮮食迴轉壽司，俾想像中差。又失望多一次。再到地下街閒逛，最後趕及在阿宗麵線未關門時買了外賣回酒店吃，仲有不錯的燒臭豆腐。飽飽啦:)

今日的收穫好豐富，估唔到逛書店都買到公仔，哈哈!!

呢張是我其中一張最鍾意的相

Day 1 (28/09/2008)

期待已久的台灣之行終於出發。 今天坐１１：１０機去台北，香港的天氣好好，我的心情又好好，正準備邁向我們旅途的時候，點知坐車往機場途中，聽到新聞話台灣打風，起初也不以為然，點知知道國泰及港龍已宣佈停航，心想大事不妙，趕緊打給勤勤，千萬不要阻延我們的行程。

幸好，照原定時間起飛，Yeah!!

台灣天氣果然橫風橫雨，落機後趕緊乘飛狗巴士。嘩，好大風啊！人也站不穩。去台北車站途中無端端需轉另一架車，一手擔遮，一手拖著行李，實在有點狼狽。

終於來到台北車站地下街，也開始尋找我們到台灣的第一餐美食～蘭州拉麵 :)

我們點了排骨清湯拉麵。排骨剛炸起，好味！小黃瓜酸酸甜甜，好開胃:) 仲有１０隻餃子添。相機早已收起，急不及待開始用餐了。由於下雨颳大風，天氣有點涼，吃些熱東西感覺好溫暖:)

吃得飽飽，下一站是春天溫泉酒店。預計今晚必定留在酒店，當然首要工作就是買定足夠食糧啦!
又到處找嘢食啦。先到7-11買了冷麵、三文治。搵呀搵呀...嘩!見到我最愛的Donut，行吓行吓...又見到附近有爭鮮店，巨型帶子壽司飯好吸引。最後再買了口福堂的糯米糍。 帶著一推嘢食，浩浩蕩蕩向著春天出發!!

到酒店發生一段小插曲。事源我們被安排一間超級豪華的酒店房間。有和式的茶机、好大的浴池、衣帽間....正在歡天喜地讚美旅行社agent安排得如何周到之際，酒店職員叩門解釋錯誤安排房間。哈哈!! 無法啦。快些收拾放滿一枱的食糧。返回現實啦 :p

台灣優悠行

台灣之旅轉眼便過，7天的時間實在過得太快啦。好彩仲有一個星期休息，嘆返一下。諗起台灣的美食，實在好回味啊!! :p

大家唔好誤會，我唔係blog的主人。只係板主公事煩忙，又怕琛女放假無所事事，因此交托我代為寫吓台北之旅的所見所聞。


好啦，波士吩咐，我會做好呢份assignment啦。放心 :D