星期六, 6月 05, 2010

比預期輕鬆的拍攝日(4/6/2010)

終於來到影Pre-Wedding Photos的日子。事前揀衫同confirm當日到達時間已經令我好激心,心想拍攝當日必定既辛苦,又免不了激氣。點知,真估佢唔到,上天保佑,有陽光但不炎熱,連防曬都不用塗。

化妝師叫Ady,開頭見她化妝時一言不發,有點怕她。原來好nice,而且仲好有心機幫我set頭。攝影師Joey同助手Kengy都幾風趣同helpful,希望影出來的效果是滿意啦。

第一站是穿晚裝去迪茵湖,點知去到不久因相機故障而呆等半小時,開始拍照大約1小時後回馬灣。沿途見到會走的"葉"同生出草菇的草地:)

返回影樓後竟然仲可以吃飯,我轉妝。換上修身婚紗(銀色蝴蝶結)

第二站先影馬灣公園,joey話我拿起裙尾好似抽住惠康膠袋,他幫我拍連拍時,話我太"冷靜",我諗是需要加多一點開心的感覺卦:)

接著到沙灘,高難度動作出場喇。抱、揹、落水,我又被取笑: 是舉手不是舉劍:p

最後影室內景,勤勤仲偷偷地幫我影左幾張相,犀利!!

等左10分鐘等青馬大橋開燈,8:30pm完成!