向十份乘火車出來然後就去九份，原定在巴士的，不過由於時間都唔早 (出到瑞芳火車站時己經4點幾) 所以決定坐的士去。原來由瑞芳去九份的車費係定價的，唔怕司機收多 :D
上到九份又係下雨天，我第三次去九份都係落雨的，本來想同琛琛一齊遊覽陽光下的九份...要等下次啦。
天陰陰的情況下影左張琛琛觀景圖 :P
落雨天濕濕的，琛琛同我都冇乜心機慢慢睇，所以行左大約一個鐘就走啦。
當然都會試下個綜合魚丸湯，好大粒的包心魚丸!
跟住就坐巴士回忠孝復興站，琛琛同我都訓左...實在坐車訓覺好舒服 :P
返到忠孝復興站大約6點半到，本來定左呢日回程後去鼎泰豐食小籠包，不過呢個時間會好多人，都係第二日先去啦。
所以向復興站的SOGO逛一會就回西門町。
我尋晚買外賣晚餐時見到一間石頭飯專門店，就提議去試下。
不過去到西門町時呢個睇真d呢間專門店又細，又冇sample睇下，冇乜信心，都係唔食啦。
跟住行下行下，見到和民，諗住試下台灣的和民分店。
點知上到去見到一間我地之前睇過好想食的咖哩店!
就係呢間 "魔法咖哩"啦!
我點了人氣咖哩牛肉飯，琛琛就食左露荀起司排骨飯 :D
呢間的咖哩原來唔係日式的，即係話會辣架!
個餐牌寫明"咖哩唔辣唔好食" :P
好彩佢地可以加cream落d咖哩汁等咖哩冇咁辣。
好食到琛琛要帶佢個筷子套向手腕 :D
食飽飽，慢慢行返酒店，一開門發現 PoohPooh等我地門 :)
2 則留言:
勤勤，你miss左我地由十分返回瑞芳之後，好似survivor / amazing race 咁一馬當先走出火車站，然後跳上的士的一幕。諗起都搞笑 :)
另外，我想補充吓，咖喱嗰一餐晚餐算是我在台灣最驚喜的一餐之一。勤勤好細心，同waiter講話我唔食辣，D咖喱果然唔辣，好好味。原來白飯同咖喱汁可任添，埋單連加一都係NT$517，好抵!諗起都好想食 :)
係喎, 唔記得加 survivor 的一幕!
我地一出站咁係咁走,走得好快架 :D
我最鐘意張poohpooh等門圖 :)
發佈留言