Last Order

今天是以新旅團領袖的身份帶特別團集會，可能是因為第一次的關係，過程比較亂...希望下次會有改善。Shirley問我, 會唔會做夠半年要走時唔捨得d細路，我唔知呀，我冇左想像將來的想像力。 =.="

之後夜晚入左沙田聽鼓樂。聽之前一家人食飯，然後行去大會堂。經過幾間商店，突然想買件新外套，發覺放o係公司o個件藍色外套已經唔知幾時破爛了。計計下原來件外套已經著左7年! 亞爸話我長情，哈。

今 晚主動打個電話比妳，明顯上個月妳會打電話比我，今個月開始少左，我諗對妳來講係好事，因為妳開始清醒了。妳講番我同妳講的說話比我聽，真是殘忍，不過亦 係最直接有效，跟住有點用完即棄的感覺 @.@ anway, 多謝妳關心我，雖然唔係我希望的方式，但亦開心多了一個好朋友。

幾時會再上路? 路一路都行緊，不過步伐太慢。

p.s. 有個表演節目好似幾好睇: A Journey into the World of Visual Wonders / The Monkey's Paw