busy days

It has been a long time I haven't update our blog. SumSum always take the role :)

Still really busy and cannot forcast the end of this busy period.

Sorry SumSum I always stay in office and cannot accompany with you.

Thanks for your consideration ~~

新一年

勤勤：
新的一年，等我在你的blog上做第一個留言的人啦 :)
雖然今年係牛年，但都唔想你做到成隻牛咁啦，希望你早d放工，多些時間陪我:P
冇時間陪我其實唔係咁緊要，但記緊要準時去食飯，唔好半夜三更先放工，健康要緊，聽話啦 :)

過幾天就係情人節，係我地第一個情人節，時間真係過得好好好快.......
快到就快就相識差不多一年啦
今次終於令我感受到這個節日與我有關，仲有些期待添 :P

Semi-anniversary

半週年拍拖記念日。

這半年真係過得好快，好多謝你呀 :)

同琛琛一齊時總是掛著笑臉，好照顧我... (你知唔知咁樣會緃壞我架 :P)

仲記唔記得個聖誕波波? 除左記念我地澳門之行外，希望帶給你一份祝福：希望你健康快樂 :D

Sick Daysssss

Really unexpected that Kan was sick for whole week since last Tuesday.

This time is my turn. :(

Weather starts to become cold and low humid. Dry!! Dry!! Dry!!

Hope both of us get well soon.

Warm Dinner Time

1st time Kan picked me up in my office lobby (during weekdays) and we had a wonderful dinner afterwards. I feel so warm and happy indeed :D

Btw, 2 days later will be your graduation ceremony. I really think that it is a big day to you (even though you don't show any happiness). I would like to say congratulations to you....for your devotion to the studies and so happy to capture and share this memorable moment with you.

p.s. There is still time for you to change your mind...anything you'd like on your "big day"? Think about it, Kan :P

Day 7 (4/10/2008)

今日在台灣最後一天，唔可以再錯過台灣的早餐，揀來揀去，最終勤勤選了飯糰同米漿(味道似芝麻)，我就始終揀番My favourite MOS :P

之後先去書局街買書、再買手信。

由於天氣好熱，估唔到離開台北前仲有機會俾我地試到奶冰。好食，又唔太甜，有粟米，我最鍾意 :P
仲有少少時間，去Starbucks坐一會先

好啦，搭1400飛狗到機場去。Check-in 完，去搵野食醫肚。

有拉麵 大包

到候機室，竟然有個好靚的地方影相

終於結束7天台北開心之旅，而我亦都完成左suppose假期完畢前的assignment :P

Day 6 (3/10/2008)

原來台灣食肆的早餐時間最遲去到10:30，我地錯過左，唯有折返我地的飯堂MOS，我點了hot dog，勤勤點了野菜漢堡，係季節限量供應架。

好啦，先到國父紀念館看士兵換更，當中的過程冇影，反而影左在電話亭扮講電話。勤勤好似好鍾意張相咁，唔知點解?!

跟住去101看台灣全景 ，突然間好似去左日本咁

商業區竟然見到田地，真係估唔到 :)

好啦，又係tea time :)
今次去左101入面的cafe，環境好靚，感覺好似置身歐洲一樣的

睇吓個咖啡蛋糕似唔似瘦肉

勤勤仲食得好陶醉

享受左個好悠閒的下午


食完甜品，跟住到鼎泰豐，沒想像般好吃。好啦，時間差不多，是時候返回西門町睇戲。
點知，意想不到的事發生，一直好想試勤勤提過的關東煮，但一直見不到。當我們本想回酒店休息一會途中，俾我們見到。第一時間買了鴨血榚、肉卷、蘿蔔等等，興高采烈返酒店開餐 :P

Day 5 (2/10/2008) - Part 2

向十份乘火車出來然後就去九份，原定在巴士的，不過由於時間都唔早 (出到瑞芳火車站時己經4點幾) 所以決定坐的士去。原來由瑞芳去九份的車費係定價的，唔怕司機收多 :D

上到九份又係下雨天，我第三次去九份都係落雨的，本來想同琛琛一齊遊覽陽光下的九份...要等下次啦。

天陰陰的情況下影左張琛琛觀景圖 :P
落雨天濕濕的，琛琛同我都冇乜心機慢慢睇，所以行左大約一個鐘就走啦。
當然都會試下個綜合魚丸湯，好大粒的包心魚丸!
跟住就坐巴士回忠孝復興站，琛琛同我都訓左...實在坐車訓覺好舒服 :P
返到忠孝復興站大約6點半到，本來定左呢日回程後去鼎泰豐食小籠包，不過呢個時間會好多人，都係第二日先去啦。
所以向復興站的SOGO逛一會就回西門町。
我尋晚買外賣晚餐時見到一間石頭飯專門店，就提議去試下。

不過去到西門町時呢個睇真d呢間專門店又細，又冇sample睇下，冇乜信心，都係唔食啦。
跟住行下行下，見到和民，諗住試下台灣的和民分店。
點知上到去見到一間我地之前睇過好想食的咖哩店!

就係呢間 "魔法咖哩"啦!
我點了人氣咖哩牛肉飯，琛琛就食左露荀起司排骨飯 :D
呢間的咖哩原來唔係日式的，即係話會辣架!
個餐牌寫明"咖哩唔辣唔好食" :P
好彩佢地可以加cream落d咖哩汁等咖哩冇咁辣。
好食到琛琛要帶佢個筷子套向手腕 :D

食飽飽，慢慢行返酒店，一開門發現 PoohPooh等我地門 :)

Day 5 (2/10/2008) - Part 1

今天的行程相當緊密。一早醒來，原打算坐8:38台鐵去瑞芳，點知班車取消左，唔緊要啦，咪等下一班囉，等我慢慢品嚐吓手上的Bagel 先 :)

好食，麵包煙煙韌韌，配腿蛋暖笠笠 :)

好啦，車來到了，原來有編位置架，我地坐11號車廂，影番張相留念先

Aiya! 原來下一架到十分的車要11:00多才到站，要在瑞芳呆等lu。

我地逛呀逛，抱住「有的係時間，最鍾意混吉」的心態，連超級市場<頂好>都逛過了，最後到QK Cafe休息吓。好不容易終於上到火車，向十分出發!

到啦到啦，落車第一時間緊係影相啦 :)

我地的平衡力都唔錯架。

我地仲互相寄明信片俾對方添，勤勤寫得好快，一下子就寫完啦，佢仲話「思緒如潮湧」呵呵:D

係木製的名信片嚟架，呢張係勤勤揀俾我

呢張係我寄俾勤勤，唔知幾時會收到呢，好期待啊 :)
路軌兩旁係住宅嚟架 ，咁火車經過的時候，咪好嘈囉?!

沿途的風景都好靚架，似唔似去左日本呢?

後面條吊橋，我地一陣會經過

睇吓幾快，唔駛一秒鐘，到左.... :D
勤勤終於征服左...條橋啦，幾威風 :)

沿途的景色真係好靚架，俾我放多幾張啦 :P

後面都係火車軌嚟架

沿途一個人都冇，鍾意點影都得 :)

睇吓呢兩張相影得幾靚，勤勤的Pose唔錯 :)

瀑布好壯觀!

行到悶悶地，好在預先買左個花生包醫肚，個包出奇地好食。

原本以為14:09可搭火車回瑞芳，怎料要等到15:32。唉呀!唉呀! 突然覺得時間太多，點算?!
唯有搵地方醫肚啦。走入一間鋪頭，估唔到食物比度小月、永康牛肉麵好吃得多。

勤勤手上正是老板娘推介的炸醬麵，D麵好爽口，唔油架

另外仲點了炸雞卷、豬紅同菜，D菜淋上魯肉汁，好味 :)

呢張相似唔似走入左另一個世界呢，好詭異 :P

Day 4 (1/10/2008)

今日陽光好好，終於可以戴勤勤送的太陽眼鏡啦 :)

第一個行程當然係幫襯MOS Burger啦。點餐後，我們上二樓坐靠窗位置。
環境好舒適，遠離人來人住的香港，如果成日可以同勤勤咁悠閒地歎早餐，人生就實在太美好不過了:P

講番D嘢食先...呢個係我點的蕃茄芝士蛋包，嘩! 你睇吓個賣相幾靚，真係好好好好食呀 :)

勤勤點了火腿蛋包同可樂餅，我都試過，可樂餅裡面full of 薯仔，啱晒勤勤啦 :)

好啦，食飽飽，出發去坐貓空纜車。

坐左足足成個鐘頭纜車，都只係每人NT 50，抵!!

去搵個地方飲茶休息吓先

咦! 呃人架，行左好遠都搵唔到邀月茶坊。最後折返之前經過的貓空巷休息。

休息夠啦，諗住搭貓空回程。點知，纜車停止服務。到15:30才有專車截我們下山。

事後才知道由於土石流(唔知同前幾天打風有冇關係呢?!)，貓空將停駛１個月。

勤勤! 我地不得不承認：「我地真係好好彩啊!」:D

落山後急不及待去度小月醫肚，沒有想像般好吃

紅豆湯粉圓煙煙韌韌，味道都ok架，豆腐花就硬左D。其實兩個人"share"一碗已足夠 :)

去到誠品旗艦店，我已經好攰啦。本來打算到101看夜景，其實我就快支持唔住啦。勤勤建議遲些再去。他先陪我回酒店休息，然後他再買東西回來吃。實在太體貼啦，哈哈!

他買了老天祿鴨舌、香香雞、KFC新出的三文魚包，仲有我最鍾意MOS出品的粟米湯，還有香港冇的紅豆白肉批。要勤勤為我東奔西跑，我都好過意唔去，亦好感動。勤勤，你對我真好啊 :P

第一季零一個月記念日

現在與勤勤身處沙田新城市廣場，本來諗住去IKEA吃meat ball，點知原來無得食，大失所望。
琛琛已經無力再諗食什麼，好彩勤勤心思細密，立即諗到去high tea。那間餐廳是我倆初拍拖時曾經食過的地方，估唔到話咁快就四個月了。真係快樂不知時日過啦 :)

我選了公司三文治，勤勤點燒牛肉意式他他包。仲有好好味咖啡和朱古力，無得頂!

Day 3 (30/09/2008)

今天是歷史一天遊。
09:30在酒店吃早餐，唔...勤勤和我都決定後幾天的早餐有別的更好選擇。心中早已鎖定隔離24小時Mos Burger，諗起都開心:)

第一站去總統府，沿途經過麵包店，梗係入去幫襯吓啦。我揀左橘子muffin，勤勤就要了吞拿魚酥。
得悉總統府只向外開放到12:00，而11:30截止登記的消息，我倆都大叫好彩。仲有職員沿途講解，難得...千載難逢...仲有乜野更好的形容詞呢!?

你睇吓勤勤嗰樣幾精神:D

接著步行到中正紀代堂，我們仲寄明信片返屋企添。話時話，唔知幾時會收到呢?

好啦，個肚餓到打鼓啦，快d去醫肚先。行呀行，搵呀搵，終於找到永康牛肉麵。點了粉蒸排骨、清湯及紅燒筋腩麵。我個人認為冇咩特別囉，當中亦有好多香港人拿著旅遊書慕名而來，唔知佢地有冇些被騙的感覺呢?!

好彩之後有個朱古力磨菇補數，哈哈，開心返晒 :)


勤勤話一定要影相留為紀念

順道去勤勤住過的民宿留影

好啦，係時候去下一站故宮，否則趕唔切啦。
終於俾勤勤睇到大白菜同扣肉的真身，原來故宮博物館內仲有好多印仔給架，好彩之前聽勤勤話買左本簿仔，否則少左好多樂趣 :p


跟住搭的士去美麗華商場，坐摩天輪之前先去吃點東西，休息吓。

呢度似唔似去左泰國的shopping mall呢?!
間餐廳環境唔錯，食住少少嘢先，因為一陣會去士林夜市吃過飽 :)

下面係水黎架，仲用沙砌成圖案，好得意啊 :)


最後一站係士林夜市，睇吓d嘢食幾好味 ，有魯肉飯、蚵仔煎同豬骨燉湯
呢支係傳聞中的燒粟米，燒到黑炭咁，食落去似燒魷魚的味道，好笑 :D

秋意

早上醒來，感覺到一份涼意。

秋天真的來了，好舒服呀。再加上不用返工，可懶洋洋躺在床上一會，諗起林憶蓮首「早晨」，好配合今日的感覺。

你話係唔係呀，勤勤?

P.S. 記得聽featuring Angelita Li的version, so "WONDERFUL" :D

Day 2 (29/09/2008)

今早醒來風勢已減弱不少。不過仍然留在酒店內較為安全，先到餐廳享用早餐。食物種類相當豐富，我喝了熱豆漿，好暖胃啊:)　又試了台式早餐 。

勤勤也吃了不少，係咪好滿足呢?

等待酒店shuttle bus其間，當然不會放過在酒店周圍留影的機會啦:D


好有渡假感覺，呢張相好似key勤勤嗰樣落去咁，搞笑:)


落返山，到萬事達(Wonstar)酒店。原來酒店就在西門町旁，非常方便。由於14:00才可check in，放下行李寄存，先吃鴨肉扁做午餐。幸好來快一步，之後人開始多起來 了。

睇吓勤勤嗰樣就知有幾肚餓啦！麵比米粉好吃，好啦，我地開餐啦:P


鴨肉扁係頭盤，main course終於出場，登登登登～胡椒餅正式出場。
hum..熱辣辣，好有胡椒味:)

跟住去左逛書店，仲帶左隻Pooh Pooh返香港添:) 買完書梗係要坐低休息吓啦。呢間係勤勤極力推介必定要去的cafe shop，圖中成塊面咁大的就係latte，我點了mocha。



唔好俾勤勤的表情呃倒，杯咖啡唔熱架！食物賣相值８分，但味道指數得４分，唔合格呀！有少少失望

休息夠了，到下一個景點啦～故事博物館
我們一起上堂聽書

勤勤想試吓擦鞋喎，點呀?乾唔乾淨?
頭上的燈籠好靚呀
勤勤去左派出所幫手

離開故事博物館後玩左射籃球啦、夾公仔...呃人架，都夾唔到，激死!

去左爭鮮食迴轉壽司，俾想像中差。又失望多一次。再到地下街閒逛，最後趕及在阿宗麵線未關門時買了外賣回酒店吃，仲有不錯的燒臭豆腐。飽飽啦:)

今日的收穫好豐富，估唔到逛書店都買到公仔，哈哈!!

呢張是我其中一張最鍾意的相

Day 1 (28/09/2008)

期待已久的台灣之行終於出發。 今天坐１１：１０機去台北，香港的天氣好好，我的心情又好好，正準備邁向我們旅途的時候，點知坐車往機場途中，聽到新聞話台灣打風，起初也不以為然，點知知道國泰及港龍已宣佈停航，心想大事不妙，趕緊打給勤勤，千萬不要阻延我們的行程。

幸好，照原定時間起飛，Yeah!!

台灣天氣果然橫風橫雨，落機後趕緊乘飛狗巴士。嘩，好大風啊！人也站不穩。去台北車站途中無端端需轉另一架車，一手擔遮，一手拖著行李，實在有點狼狽。

終於來到台北車站地下街，也開始尋找我們到台灣的第一餐美食～蘭州拉麵 :)

我們點了排骨清湯拉麵。排骨剛炸起，好味！小黃瓜酸酸甜甜，好開胃:) 仲有１０隻餃子添。相機早已收起，急不及待開始用餐了。由於下雨颳大風，天氣有點涼，吃些熱東西感覺好溫暖:)

吃得飽飽，下一站是春天溫泉酒店。預計今晚必定留在酒店，當然首要工作就是買定足夠食糧啦!
又到處找嘢食啦。先到7-11買了冷麵、三文治。搵呀搵呀...嘩!見到我最愛的Donut，行吓行吓...又見到附近有爭鮮店，巨型帶子壽司飯好吸引。最後再買了口福堂的糯米糍。 帶著一推嘢食，浩浩蕩蕩向著春天出發!!

到酒店發生一段小插曲。事源我們被安排一間超級豪華的酒店房間。有和式的茶机、好大的浴池、衣帽間....正在歡天喜地讚美旅行社agent安排得如何周到之際，酒店職員叩門解釋錯誤安排房間。哈哈!! 無法啦。快些收拾放滿一枱的食糧。返回現實啦 :p

台灣優悠行

台灣之旅轉眼便過，7天的時間實在過得太快啦。好彩仲有一個星期休息，嘆返一下。諗起台灣的美食，實在好回味啊!! :p

大家唔好誤會，我唔係blog的主人。只係板主公事煩忙，又怕琛女放假無所事事，因此交托我代為寫吓台北之旅的所見所聞。


好啦，波士吩咐，我會做好呢份assignment啦。放心 :D

Time Changes

Same as usual, tired after came back home.
Dad told me Mum cooked and had dinner at 10:00.

then I realized we don't have dinner at home for long time already.
(usually have dinner at aunt home..)
Time changes..


Sit down and started by laptop, feel blank although I opened a PowerPoint preparing to work on it.
Again browsed to my blog and read some old posts.
Blog recorded my life, my feeling since 2005.
I changed a lot..
Time changes..

I am at a turning point currently, for both affection and career.
I need to catch up the changes.
I think I will have your support, actually feel having your support.
I'm in luck.
THANKS.
treasure the changes!

sick....

Today is an extremely tired day.

I slept not enough for weeks already, and had late lunch this afternoon coz of conference call..
After that I found headache, seems like have a high temperature..

Nevertheless, had to work on the presentation material, and support my team to archive month end goal.

The only relax time today was joined a farewell party organized by my undergraduate society as a alumni guest, having nice talk with old alumni friends (although just 3 of us in total...) Hopefully someone will be graduated soon can pick up our alumni association role and keep it running.

Tomorrow is a holiday, it's a good day...to chase work! Orz

p.s. Ironman and EVANGELION are 2 movies that willing to watch, if have time~

再見伍先生

永遠記得細個睇新聞係為左最後三分鐘的體育新聞，為左你的幽默報導

R.I.P.

還是這樣

還是這樣
冇進步

羈絆

尋日去書局買左三本書，當中有兩本係九把刀的愛情小說
"月老" 同 "那些年，我們一起追的女孩"

"月老" 呢本書我已經睇左ebook好耐，上次去台灣時行書局見到時已經好想買，結果今次就買左
(一本touching的書真係要實實在在的拿在手睇多次..)

而 "那些年，我們一起追的女孩" 就反而睇左九把刀的三少田壯集"慢慢來，比較快"中先知道有呢本小說
今日睇完，相信有經歷過青春的人一定會有共鳴

當中的一個詞令人難已釋懷 ... 羈絆

p.s. 九把刀當真利害，寫小說的種類之多比倪老還要多

春天的氣味

今日去完同學屋企傾功課，傾到天昏地暗，叫做傾到個framework出來, 應該星期二晚可以present..

9點鐘走人，太累了唔想直接返屋企﹐所以就去左尖沙咀食個好食的芝士麵
再慢慢乘巴士回家

到站下車，深深的吸左一口氣﹐發覺當中有D青草味, 原來春天來了

每當空氣中有呢種青草味，思想就會跳回細個時去宿營的時間
晚上兩三個人，或者係一個人離開營房去散心或者傾計，風帶來的都係呢種氣味
好放鬆﹐好舒服，亦冇事掛於心頭

黃金時代

個人開始老弄餅，都係覺得聽D舊歌好聽D

呢支歌係Eason咁多歌之後我最鐘意..

買了球鞋再買玩具 甚至想 花光一切買新居
愛上談情 再愛上入睡
直到想 躺進陌生者的家裡

你我永遠不肯定愛不愛誰 約不約定誰
黃金廣場內分手 在時代門外再聚
你和誰結伴前來 是否比我精采

自從前愛到現在 是哪個可一可再
你回來你不回來 儘管天蹋下來
但仍然值得與你 用餘下時間談論愛
沒錯過甚麼再分開

吃喝完成再去玩樂
甚至想 天光之際看星光
吻你眉頭吻至寂寞
直到想 擁吻漫畫中的主角
你與我湊巧經過
就像在咖啡座
一個兩個三個

天一半、地一半

呢段獨白, 係出自Eason 的舊碟 - 新生活
突然想聽返, 又比大家睇下~
---------------------------------------------------------------
以前系學校 睇住你打波
我地好近
后尾你同屋企人要去澳洲啦
我地又好遠
到我幫亞Ben 寄結婚咭比你
收到你o既e-mail 我又覺得近返啦
你返o左o黎觀禮
我地見面模糊到只系講o左聲「Hi!」
我地簡直系兩個世界 遠
成班人送你機果日呢 我楂緊車
你同 地講返我讀書果陣時又瘦又土
我發現 我對你原來系 近o架
一次巧合 四個人一齊o黎Sydney 度假兼探你
點知玩到第四日 你先話聽日要過去Melbourne 讀書呀......
就系果一秒 我竟然唔舍得你要去 遠
朝頭早六點 你要去機場
外面開始落雪
我終於忍唔住講：「比我同你一齊去啦!」
你傻o左唔識答o既樣 令我猶豫
但系我知今次如果唔講
我呢一世都唔會再提啦......
飛返o黎香港 帶住你比我o既頸巾
我先明兜轉o左 多年
飛過半個地球 遠
都只系要我儲夠能量去同你講：「我愛你!」

越級挑戰 - 麥理浩徑第三段

Easter假期第一日, 同班朋友去遠足
事前冇睇過要行邊, 由朋友話事

原本計劃行2-3個鐘(係唔係真係得架?)
點知行下行下行左6個鐘先行完.
好彩中間向嶂上的士多食左個麵, 唔係就打定112都得啦...

行完又唔係特別覺得肌肉痛或者酸, 都算係咁

行完一班人去左西貢食海鮮同糖水, 真係開心同滿足!

睇來行多d山都係一件好事 :)

Am I the right person?

New opportunity...but do I really capable to take this challenge?

anybody home?

just wondering who visit my blog

thought after lesson

Strengthen my thinking logic - don't be lazy, think more in different angles.

Utilize my time - i can do more with a better and clear target / goal

Plan my future - for my not yet show up wife.

遠觀

原來她已經印在了我的腦海裡
發現她的舉動能牽動我的情緒

哈，原來D人作詩的靈感係咁來的..

不過今次會係只能遠觀

take a deep breath

OK!
Take a deep breath.

Keep going
Keep pushing up self-limitation

童軍金禧旅慶紀念營

就係因為31/12要帶呢個紀念營，所以我冇得向台灣count down，睇101的煙花比香港的IFC靚幾多

呢次露營就勁囉，向出現霜凍警告的天氣下上左去飛鵝山基維爾營地，真係好耐冇試過向香港咁凍
(咩係霜凍警告? 天文台的定義係: 預料高山上或新界內陸地區可能出現地面霜時，即發出此項警告)

呢個假期就向好凍同好累的情況下結束
回復忙碌的工作同讀書..

台灣四天自遊行

終於完成左台灣四天遊
自己睇著書來旅遊真是第一次，老實講今次的自遊行唔算係好舒服

一來始終多心想多去地方，但係事前又準備不足
所以好多時都係晚上回到民宿後先計劃第二日的行程，搞到好夜瞓
本來想好好休息的旅程變成好累的行程

二來最想去的台鐵東面線(可以見到個大海)因時間不足未能乘坐
我諗可以留返下次去時來個鐵路遊

不過，今個旅程最開心的就係不停咁食同可以行下書店
一日食足五六餐(當然都係台灣的小吃)，好滿足

一個人旅遊感覺都唔錯，當然兩個人去更好，一班人去又會唔同feel.

係時候諗下下次去邊先 :)

Finally

Finally I KO the exam today, or exam KO me!

It is a tough and exhausted time.

New stimulation in office but yet too far for me, or too high for me?
Step by step is the only approach.
Let's see...

By the way, gotta plan my trip asap.
need to buy some books..

Taiwan Trip planning progress

終於都confirm到機票同民宿的地方
跟住就係要諗下實際想去邊

我一路都好想去台灣行
真係漫遊的慢慢行，想感受台灣的氣息
不知為何我總覺得台灣是一個溫暖同還有大自然氣息的地方

當然吃亦是重點之一!

想想都開心! :D

Taiwan Trip planning

開始計劃下台灣自遊行會去邊，呢兩日會訂機票同房間

尋晚睇旅行書都已經覺得開心，可以一個人去計劃行程O個種自由真係冇得頂 :)

Great night

I spent a night with 2 groups of friends and really had fun!

At first I had BBQ with Master course schoolmates after school.
Which I listened how a IT works in big firms, and how terrible and crazy pressure dealing with mainframe stuffs...
Although I work at SME market segment, yet some common soft skills are necessary for me to pick up. Thanks folks and really happy!

After that I went drunk with secondary schoolmates, long time no see!
Someone is having love problem, hopefully he can overcome this soon.

After a happy night, I will back to battle tomorrow to fight for time!

耐力賽

三個星期都係咁2點幾3點先訓，做多過14個鐘

可以頂幾耐?

排山倒海

呢個月的工作排山倒海咁衝入來
加上又再返學, 辛苦

又唔知做乜被開鎖了
而且都要對一段長時間
what's going on!
What do you want Kenny?

發呆

近排好忙, 一過7點個人就散晒
好想呆坐 cafe 回回神
可惜連呆坐的時間都冇

p.s. 呢個post應該係尋晚出, 不過我呆到連個"呆"字點寫都唔記得 Orz

So Warm

好開心兩位好朋友終於走在一起

第二次的睇著身邊朋友開始
希望會睇到開花結果
再為朋友做兄弟! :)

就讓這首歌

不用多說，就讓這歌不停 repeat 又 repeat 罷..



就讓這首歌
作詞：張震嶽/姚中仁　作曲：張震嶽　編曲：張震嶽　RAP：姚中仁/侯佩岑

(張震嶽)
就讓這首歌　今夜一直重複
我們都沒錯　只是看清楚原來不懂的事
沒有什麼好說　現在先不要說　就讓我們沈默
最後的擁抱　愛情的終點

(熱狗)
回憶一觸即發　如何忍住眼淚不讓它哭得唏哩嘩啦
觸景傷情　這樣好嗎
從今以後各走各的路　身上留有你的Tatto
怎麼可能不在乎　不怪現在只怪當初誰辜負了誰
糊塗清醒了沒　越是買醉卻不醉　繞了一圈卻越想念誰
吃定了誰　電影散場了沒
又怎麼會　虎頭蛇尾　看你哭紅又腫了雙眼
一把眼淚一把鼻涕　從喜劇變成默劇怎麼繼續
只好放著這首歌它一直Repeat　曾經你是我的癮
我們愛的這麼過癮　就像生命共同體
如今　卻只能謝謝這回憶
電影散場之後　你是否留下了什麼
一切不能再重頭　那感傷的話別說
這決定並不輕鬆　夜深人靜心會痛
有首歌它一直Repeat　Repeat是為了什麼

(張震嶽)
是分手的時候就讓我們自由　回憶一幕幕
就像一場電影原來一直感動
電影終要結束結束難免痛苦　心中留下傷痕
就讓這首歌縈繞在耳邊

(侯佩岑)
我嘗試　刻畫著每一字
曾經快樂的每一日　這首歌要播幾次
有太多的捨不得事　歌詞像針在刺
旋律讓眼眶溼　曾幾何時開始靜止
打不開的話匣子　從你儂我儂的夢　到現在你懂我懂的沈默
所有的痛　就讓時間來破
電影散場之後　就在那回首處
你別走回頭路　我只能頭也不回的藏住感觸
少了片了的拼圖　怎麼拼的出那版圖
我真心為你祝福　有沒有那麼一首歌會讓你很想念
有沒有那麼一首歌你會假裝聽不見
聽了又掉眼淚卻按不下停止鍵
多少個夜就這樣開著燈到另一個夜
我們之間有多少故事在這首歌的裡面　人不在就讓這首歌在
回憶也還在　謝謝你的愛

(張震嶽)
就讓這一首歌今夜一直重複　我們都沒錯
只是看清楚原來不懂的事
沒有什麼好說現在先不要說　就讓我們沈默
最後的擁抱　愛情的終點
是分手的時候就讓我們自由　回憶一幕幕
就像一場電影原來一直感動
電影終要結束結束難免痛苦　心中留下傷痕
就讓這首歌縈繞在耳邊

出TRIP

公司比左個機會我去上海公幹三日

真係開心，雖然忙到只係來回個客的公司同酒店
但係一個人完成晒所有task係好有滿足感!

童軍台灣之旅

上個星五晚同班童軍飛左去台灣交流，直到尋晚先返到香港口
可以太耐冇集會，開頭O個晚未係好習慣開聲叫班仔

台灣比我想像中落後，但係佢地真係好熱情亦好主動
(唔似香港人咁被動)

遲D會post D 相上來，不過今次影得唔多相關


難得的五日假期就此結束，明天將會重回忙碌的工作!

20070702

又過左一年
多謝記得或不記得，知道與不知道的各位 :)

還好

出左成績，還好
不過都係要放返多d時間落讀書
唔...可以的話

心卜女

一個字: 忙

未能預計

當你以為事情會跟自己設想的情況一樣時，事情發展往往還是出乎意料之外。

或者關起了太久，要打開需要花不少時間；慢熱亦是一個原因。

可惜你需要時間，但時間不會等你。

又是bad timing
亦可能連timing都沒出現過

Merry Christmas!!!

各位聖誕快樂~

唔知你地收到d咩聖誕禮物呢?
我唔知交上咩好運，居然收到唯一的聖誕禮物，而且係DIY的添!!!
多謝晒! 真係好warm :)
咁大個仔都未收過呢種hand made的禮物

希望我送的唔會太差..

-----------------------------------
23號晚完成左一個20分鐘的presentation
當其他組都係兩三個人present的時候
我就sole上陣，一個人present左20分鐘英文
而且我prepare的material都幾多 (已經好努力減省)
都驚唔夠時間完成
結果呢, 向我自己都唔知自己可以present得咁快的情況下just in time 完成
原來我都可以講野講咁快o既..
希望高分啦!

上個半學期的成績唔錯(都有A同A- :P )
希望呢個下半學期的兩科都可以保持好成績!
(undergrand. 時都冇咁好上進心..我係咪真係適合讀business多過engineering?)
加油~


25/12 update: 剛收到tutor的email, 我呢科成績係A+! 個presentation 有 90分 :D
真係一個開心的christmas message!

26/12 update: 嘿....原來我係第一..... unbelievable!

變動

今年的變動真大

9月頭開始了part time 讀書的生活, 到現在終於轉工了, 還聽說有大學同學結婚了 (其實係睇blog睇到), 下年又有好朋友結婚後會到跟她另一外到外國生活

當自己靜靜的坐下來回想時才發覺變動多得驚人
只希望不要被變動沒了頂

還有何所謂 (Y)

當想到那只是差不多一年時間的一夜..

還有何所謂 (Y)

You are not alone!

有冇諗過你有一位孖生哥哥向地球的另一方?
或者, 近在同一個城市?
又或者, 只係兩位相似的陌生人?

有一位 法國 加拿大攝影師拍攝了200位相似的陌生人
http://www.francoisbrunelle.com/

太似了!!

(source:Boing Boing )

謝謝 kiwi的更正

被TAG中

試說明5 項你最想要的hope, 然後答問題 .

點名7個fd , 不能有重覆,順度去他們的xanga留comments ,告訴他們被點名了!

1: 有工作目標: 唔好只係做operation, 比我試多d admin / development野啦
2: 學業: intensive courses...所以要努力地跟上進度 (Master course 好貴的!)
3: 愛情...嘛... 冇都冇壞o既, 始終一個人的時間管理較隨心, 多d時間讀書係好事.
4: 一家人整整齊齊
5: 未有

1.傳俾你既人係邊個?
Janice

2.佢同你既關係?
勁啦,係netfriend! XD 不過又食過飯, 睇過戲, 聽過佢講唔開心, 可以算係真朋友了 (亦有成為電腦技術顧問的趨勢)

3.寫出你對佢既5個印象?
真性情: J小姐好真情流露架 (好事, 咁做人先開心架嘛)
熱血: 即係....衝動, 記住冷靜下自己先做決定啦~
有條理: 只係聽妳本時做野的事得到的感覺
健談: 正常女仔應該有的能力 :P (好啊, 我鍾意做聆聽者 XD )
reserved: 未諗到

4. 佢對你做過最深刻的事?
同佢去睇戲, 睇到佢哭呢! (不過唔係同我有直接關係 -.- )

5. 佢同你講過最深刻的說話?
未諗到

6. 如果佢變成你既情人
我會唔會比佢殺死架?? Orz

7. 如果佢變成你既情人,佢有咩要改?
要改o既話就唔係佢啦... (不過真係的話, "打"少我幾次就好啦 )

8.如果佢變成你既敵人,你會對佢做咩?
哈, 乜有咁的機會咩?

9.如果佢變成你既敵人,佢咩野令你咁憎佢?
好難想像喎...

10.依家你最想佢對你做既一件事?
好難想像喎...

11.對傳這份卷給你的人的印象?
越來越難了解佢啊! (因為佢晚晚都玩online game, 都唔鬼理我囉 Orz )

12.你覺得周圍的人認為你是怎樣的人?
肥人一個, easy going (掛)

13.自己喜歡的個性是?
你講我知啦

14.相反的，討厭的個性是?
同上

15.自己想成為的理想類型是?
唔…而家都已經ok, 係再有上進心d就好

16.給關心自己,喜歡自己的人大喊1句吧:
謝謝你/妳


Tagged from JaNiCe'S PaLaCe~

新玩具 Treo 650

終於買左部二手的 Treo 650, 由於好新淨, 好似買左部新機咁!
終於可以實現 Palm + 手機一體化而且個size我又覺得可以接受!

寫返個application list先

Treo Customization
RingerSwitch Basic - 當mute時會有個alart提醒你 (freeware)
TreoHelper - Treo reset 時自動開個電話功能 (freeware)
TreoAlarm - 免費的 alarm, 又有天氣資料 (freeware)
TreoTweak - 可以加返d miss call 落個 call list 道 (不過係 trial version, 次次 reset完要自己再activiate過)
VolumeCare - 加大d聲
Chatopus - MSN on the road!

PIM
1 year - show個一年的年曆
2 day - scheduler / todo / 各種miss call , alart, email, sms, IM message 的提示
4 cast - 同 2 day 同公司, 有個 plugin 加落 2day 會有天氣資料
PsMemo - memo replacement (freeware)
callRec - 可以錄電話 / 當 voice memo 用
billbill - 比個數字出英文 (freeware)
Zdic (freeware)


Documents / ebook reader / media
Documents to go
tealdoc
isilo
Resco view

System Enhencement
Q9 - 向Treo都係 Q9 易用
MultiUserHack (freeware)
hi-launcher - call DA / application history / 開關 auto-off / network / BT / IR
card reader - 唔洗用 card reader啦
powerRUN - 將d programs 放入card, 但係又可以分 category
commander - BT 電話亂入!
DBCache
Resco backup
Resco explorer
mcfile
ShadowLauncher! - hidden applications to be shown in launcher (freeware)
Clips - 加強 clipboard 功能, multi clipboard record (freeware)

微涼

想起林憶蓮有一隻歌, 叫"微涼"
原本的版本節奏較快, 不及她2004年同倫永亮一齊的港樂演唱會版本
呢個版本來得有秋天的味道得多

試聽

微涼
曲:R. Flack/B. Miles/M. Angelou 詞:小美 編:Terry Chan

微涼的秋 蕩來傷口 微涼的酒 苦澀輕透
微涼是我 未忘藉口 道別某個深秋
為何當天 不懂去愛 為何分開 方知熱愛
為何夜了 蕩來感慨 是否不應該
匆匆一生獨自上途 風乾情感的苦惱
偶站進街角墮進了夜霧 像消失地圖

無夢的心不懂去愛 讓孤單心靈失去你
寂寞感覺此際蕩來 是否不甘

* 匆匆一生獨自上途 風乾情感的苦惱
偶站進街角墮進了夜霧 在漆黑裡默禱 *

差一點把你再擁有 但我心卻害怕靜候
心卻在詛咒 夜了想到以後 不在逗留
匆匆一生獨自上途 風乾情感的苦惱
偶站進街角墮進了夜霧 在漆黑裡默禱

# Love is a rush of wild wind
The sun to the summer rose
Or it's a blowing on a distant trial
And when it goes it goes #
Repeat * # *

秋意

意外地九月中就已經有秋天的感覺 (尤其近年沒到十二月還熱得要命)
晚上下班時已經要穿上外套, 要不可能會冷親

這種天氣令我回想起大學時送了女朋友回家, 自己一個人在車站等車
又想起在公司開夜車, 終於可以放工, 冷清清的一個人捱著肚餓等車
一點抽離, 孤寂的感覺
郤又因天氣冷而覺得實在

p.s. 我還健在, 冇寫新野只係因為冇咩野想講 :x

如火如荼

呢個7月好忙
忙緊8月頭的童軍澳門之旅
文件多，又要聯絡，又開會
不過忙得來幾開心，話晒都係自己有份的project嘛
期望旅行時平平安安而小朋友又玩得開心 :D

p.s. 睇來我張 CCNA 都幾難renew到啦 Orz

7227!

Greeting!
因為數字出現對稱，所以今年係特別的一年 (我話o既)

願望嘛，講話希望讀書順利，比朋友笑話呢個唔係最緊要o個樣 XD

希望人人都開心就真o既，無論真人好，網友好，祝生活快樂!
因為 你/妳(們)樂於是我快樂 ! :D

p.s. 多謝媽媽，爸爸

歌曲 - 我真的哭過

鄭中基 - 我真的哭過

曲：陳輝陽/好好笑
詞：林夕
編：陳輝陽/好好笑

說不上為人兒嬉 只不過太喜歡你 臨別亦輕鬆得起
全靠奇技 你知道 尤其男人 不想痛哭牽連你
要再似往日時期 仍然淺笑 看著你

* 事實我也偷泣過 就像女方一樣無助
預備你也想怪罪我 無情不哭也是錯 對著前度大喊怎麼可

誰明瞭我真的哭過 為著我將絕未可呵你更多
而往日犯的錯 亦令我永遠等到內疚
(亦令我真的感到內疚) 才令我 (我)有眼淚也滴破 *

我不要臨別如瀕死 都不要得到憐憫 要勉強快樂做人
常常哭泣 那合襯 男人 都壓抑 然而都精於嘆息
自問枉稱堅強 連眼淚 也無力

Repeat *

呢支歌, 重點不是男主角哭
而是那種壓抑，無力感

just note the feeling at this moment

渴望再次的愛與被愛
但還怕那傷口，那種分開的痛

澳門遊

上個星期六，日同幾個童軍領袖去左澳門考察
因為8月份會帶班童軍去澳門玩3日2夜
所以要先睇睇路線同開飯的地方

亞鄧生真係好野，直頭好似澳門人咁，熟到不得了
幾個人就係咁向好熱的天氣之下行左澳門一個圈
(就係無去賭場 :P )
去左好多公園，墓地(好有歷史價值架)
咁好天氣，影乜都咁靚
可以的話就去睇下我個相簿

今次行得好開心，可能平日好少咁的機會行下，散下心
出左幾身汗，人都舒服D

不過8月的活動仲有幾多未確定的行程
仲有好多準備工作，之後我仲要寫報告
今個(小朋友的)暑假都有排忙

學生證

經過了3年
我再次擁有一張科大的學生證
多謝家人的支持

keep going
cheer me up!

人生目標

記憶中"目標"這個詞語已經不止第一次的出現在我的blog內

今天看了詹端文的科大的一個講座
一面聽一面想, 自己的目標是甚麼
不過還沒有答案

(30 Apr 2006)

後記: interview的時候, 比interviewer問到口啞啞
我的career path會係點樣? -.-
Master是要讀, 但是還不足夠

一個人的一週

由於種種原因, 這個星期家裡沒人
我又剛好返中午更, 不能約朋友吃飯卻又只有一個人留在家裡
令無所事事的我這個星期更覺得孤單

"孤單"這個詞語我想已有半年時間不想想起了...

露營去

我細細個開始已經好渴望去露營
可能由於小學時買了一本台灣出的露營小手冊
一邊讀一邊幻想自己身處森林河流邊, 在夜晚休悠的煮晚餐, 和朋友在營火旁談天

可惜我中學時期沒有參加童軍
(當年想不起童軍會有露營的機會, 要不然一定參加)
錯失了機會後整個中學期間都沒有參加過露營

直至大學期間和大學同學去東平州露營
(當是雖然是已經當了幼童軍領袖, 但還是我的第一次露營 :P )
才有機會實現那夢想 -- 在星空下休悠的煮晚餐, 和朋友在營火(對, 是營火, 真真正正用乾樹枝起火!) 旁談天 :]

後來有了幾次帶幼童軍去露營的經驗
雖然都是睡帳幕, 煮三餐
不過由於都是在童軍營地內舉行, 所以還是缺少了一點點親近大自然的感覺

其實露營(尤其是童軍露營)是很累人的
要背著很多物資去營地, 事工一浪接一浪 (紥作, 營藝, 營火會...)
不過當看到小朋友學習在野外活動時開心的樣子, 再辛苦也覺得開心 :)

我的團在17, 18號舉行了一次幼童軍露營
這班幼童軍全都是第一次參加露營的
所以活動也安排得較簡單
我負責膳食, 要安排合乎他們程度的餐單是比較難 =.=
當然, 雖然領袖最後都煮了大部分, 不過他們的反應都很正面
(奇怪, 很多小朋友, 尤其女孩子都未試過煮食, 說是家裡父母不准)
希望他們能領略到煮食的樂趣吧

(看來, 我喜愛露營原因是有機會煮食 :P )

[好歌推介] 落花流水

好耐冇見過咁長的歌詞
(起碼唔係副歌重複又重複o個種)
雖然內容都係老生常談, 人生無常, 提得起放得下
不過正在歌詞有意景
一路聽一路可以想像一個畫面，而家好少有咁的歌詞啦
黃偉文的詞路果然好闊!
推介! XD


落花流水

作曲：Eric Kwok / Eason Chan｜填詞：黃偉文｜
編曲：Eric Kwok / Jerald｜監製：Eric Kwok / Jerald / Eason Chan

流水　像清得沒帶半顆沙
前身　被擱在上游風化
但那天經過那條提壩
斜陽又返照閃一下　遇上一朵　落花

相遇　就此擁著最愛歸家
生活　別過份地童話化
故事　假使短過這　五月落霞
沒有需要　驚詫

流水很清楚　惜花這個責任
真的身份不過送運
這趟旅行若算開心
亦是無負這一生
水點　蒸發變做白雲
花瓣　飄落下游生根
淡淡交會過　各不留下印

流水　在山谷下再次分岔
情感　漸化做淡然優雅
自覺心境已有如明鏡
為何為天降的稀客　泛過一點　浪花

天下　並非只是有這朵花
不用　為故事下文牽掛
要是　彼此都有些　既定路程
學會灑脫　好嗎

流水很清楚　惜花這個責任
真的身份不過送運
這趟旅行若算開心
亦是無負這一生
水點　蒸發變做白雲
花瓣　飄落下游生根
命運敲定了　要這麼發生

講分開　可否不再　用憾事的口吻
習慣無常　才會慶幸
講真　天涯途上　誰是客
散席時　怎麼分

流水很清楚　惜花這個責任
真的身份不過送運
這趟旅行若算開心
亦是無負這一生
水點　蒸發變做白雲
花瓣　飄落下游生根
淡淡交會過　各不留下印
但是經歷過　最溫柔共震

假如你是香港居民而又擁有一個或以上的網上日誌...

請去以下的連結
香港網上日誌問卷調查

一位香港中文大學新聞與傳播學院的研究生正在做有關於網上日誌的研究，
由於需要大量數據以作研究, 所以希望各位 blogger 花幾分鐘來完成問卷 :)

歡迎轉載 :D

網上中英字典

我呢d英文唔好的, 緊要時不時要查下字典 :P

開頭會用 Yahoo! Dict
http://hk.dictionary.yahoo.com
有發音, 又有詳細解釋

有時唔係好記得個字點串, Yahoo! Dict 就幫唔到手
呢種情況, 最方便係問 google 神
就咁search 個串錯的字, google神會比返個正確串法比我 XD
不過, 而家唔係咁work
原因係 google 連d串錯的字都 cache 左, 所以而家好多時search D 錯字真係會比幾版 result 出來

所以就有第二個方法 - 顔氏美語
http://www.onlinedict.com/
當你查個錯字時, 佢會列出個幾可能正確的字比你選

最後, 發現一個又有發音, 又有詳細解釋, 又會有正確字表比我選的網!
http://dict.cn
只係, 簡体字的

(當然, firefox 的用家可以用 同文堂/新同文堂 呢個 extension, 咁個firefox就會自動就簡轉繁, IE的用家就要用ALiBaBar啦 XD )

再見悲哀

近排回復舊觀 -- 門 - 心 / 月
我的目標及動力在那裡?

*唔出下文個blog好似荒廢左咁 Orz

下面支歌詞填得好,唱又唱得好!

再見悲哀 - 林憶蓮
作曲：Eric Kwok
填詞：林夕
編曲：Eric Kwok/Ted Lo
監製：Eric Kwok

＊再見悲哀因我不再計較任何結果
　甚麼都可以坦蕩未在乎誰是錯
　我兩眼合上失去甚麼　是與非也掠過
　別固執到問一切為何

　再見傷感因我不易被淚流留住我
　甚麼的境界都愛自自然地渡過
　去到最尾就如與物忘我　回復身心最初
　面對心鏡內一片平和
　鳥聲瞬間閃過　(這麼最好不過)＊

除了心　只有心　可以解心鎖
煩惱多　因我要得多
微似砂　輕似煙　怎會有風波
有惆悵　跌入了恆河

情路太彎　過就過　當是個經過
感動的愛　當做一次砌磋
沿途上遇上甚麼　都欣賞過
投入時便快樂一起過

REPEAT＊

傻也好　痴也好　因你記得多
忘記的　比你記的多

懷念最好　我便會　繼續愛惜我
花瓣飄過　美在不顧結果
人存活在世就似沙粒飛過
誰又曾為了誰褒貶過

REPEAT＊

這麼最好不過　全是一種經過

朋友的求救

原來有一半時間朋友主動找我
都是有關於電腦問題的
"我上不到網啊"
"我接收不到檔案"
"我的軟件過期用不了"
"我的網頁有點問題"
"我的日誌當掉了"
"我的word開不了"
"我中了毒，windows發呆了"
.....
..
.

幸好還有人在面對問題的時候會想起我
我也只能這樣的想吧 :D

p.s. 想起了04年的一個post

情人節快樂

有情人的，希望你/妳能與她/他過一個溫馨浪漫的情人節
沒有情人的， 希望你/妳能開開心心的為自己而生活

不說了，知道太多對妳/你沒好處 :P

靜極思動

大學畢業已經三多半了，亦好久沒翻開過書本
靜極思動，休息了那麼久我想是時候繼續努力!

目標是修讀一個Master Degree(碩士課程)
希望能多學點有關管理的知識
總不成只在前線寫program :P

希望會有點衝勁吧! XD

春節黃山 杭州之旅

今年新年和家人去了旅行, 去黃山跟杭州
重點是黃山
相相

在黃山的時間天氣很好，萬里無雲，也不冷
聽說是黃山15年來最暖的一個春節 :D
只是上山下山比較辛苦 Orz

而杭州則沒特別遊覽，比走馬看花還要快
只在西湖上遊了一圈就走，很多景點都沒見到

朋友告訴我下雪中的西湖感覺很舒服，很安寧
看來有機要再去感受一下

花紅 & 加人工

唔洗點講
有半個月花紅
同加2.5%的人工

哈哈哈 XDDDDD

和空姐同居的日子

在討論區讀到了這本書的推介
手動去search一下, 發現原來是網上小說再結集出書
(現在的網路小說家實在很能寫, 由最原祖的痞子蔡 ,到多類型的
九把刀, 發展到這篇小說的作者三十, 還有很多其他的小說家, 是我覺得網路自由發表的一個重大成果 :P )
(哎, 還有一位pumber, middle先生的短篇小說亦快要結集出版了,恭喜恭喜)

看書名
和空姐同居的日子就明白是由男主角的角度出發而寫的愛情小說

結果前晚飛書般看完(不是因為悶,而是欲罷不能,越看越快)
書中的愛情實在描寫得很細膩
作者透過描寫男女主角同居生活期間的相處情況寫出了好實在的心理情況
(起碼男主角的心理描寫好出色, 我想每位男士看時都會有共鳴)
男/女主角在相處當中的成長實在寫得"真"
雖然女主角描寫得有點平面, 但無損她的可愛呢!!
(只係不明白女主角要開始同居的動機是甚麼? 真是認為男主角信得過?)

看完亦順道看看其他人的讀後感
其中一位寫到
"除了同居這個作者安排的極幸運之外,主角的心路歷情都寫得好"真",令人一邊看一邊勾起自身的回憶,所以非常有共鳴感"

作者是理科出身的, 很難想像為何能將愛情描寫那樣實在
唔..可能因為難得到所以幻想力特別豐富 Orz

有興趣的就去看看吧

給討厭數學的人

日本史上最熱賣、最長銷第１名人氣數學書，本書不是教你如何學會數學，而是一部讓你了解數學重要性的經典鉅作。

本書以深入淺出的筆調，從宗教、神學、中西歷史等各個層面，介紹數學的流源和影響性，精闢入裡地說明數學中「邏輯」的重要性及其精髓，並直指東方人所缺乏的邏輯意識，讓人得以重新充分地了解數學的本質，而藉此打破對數學的迷思，治療人們對於數學的恐懼情結。

並且透過作者豐富的學識和精要的剖析，更說明數學了對於近代資本主義、現代經濟和人類平時生活的作用力，讓人從數學的智慧中，了解到數學的強大威力和實用性，並從中學會經濟學的精髓、再造觀念，重捨對數學的學習信心及智慧，了解數學在知識經濟時代中的重要性和對我們日常生活的不可或缺。

昨晚在美孚的紫羅蘭書局見到這本書
好奇之下翻開看了幾頁
發覺內容多以邏輯來探討宗教, 資本主義, 經濟學等

我想是因為邏輯是以數學來建構, 所以才會以"給討厭數學的人"來作書名吧
當作實用邏輯學的書來看, 幾有趣的

其實我還未買, 本想找電子書, 但只找到了scan pdf的簡體版, 看來都要花錢買 :P

p.s. 有興趣睇簡體版的可以email找我 ;)

Orz

大家見過這個"字"嗎?

其實Orz唔係英文字, 而係一個文字符號
學名為 "失意體前屈"

不過呢個blog想講的唔係"失意體前屈", 只係呢個動作令我聯想起一件事

昨夜10時放工. 一個人回家前在冰冷的街上匆匆的走去找點食的
在路上見到有位婆婆, 就是這樣的 Orz 跪在街上, 她面前的小盤只有數元
我走過, 有點不忍, 回頭望了一望
看到婆婆在伸展她的腳, 面帶痛苦的表情

當我去到街尾的麵店坐下點了一碗麵
一面吃, 心裡郤想起了那位婆婆
那麼冷的天氣還是留在街上, 痛苦的等待別人的點點施捨
最後加快的吃掉麵條
回頭走向婆婆, 給多了一點點錢
說了句 "天氣很冷, 婆婆妳快點回家吧!"
她笑著的說謝謝
但還是跪著不起來

我慢慢的走開, 回頭再看, 婆婆又再痛苦的伸展雙腿

夢

這幾天睡得不怎麼好
感覺上睡著的時間都在發夢
奇怪夢的內容都是一樣, 幾天發的都只有兩個夢

第一個夢時值夏季
夢中的我參加了在香港舉行的運動會 (好像是奧運會?)
忘記是甚麼比賽, 只記得地方是維港旁的水池 (或是維港變了個大水池?)
不知怎樣的, 我和十數個人站在水池內的池邊, 像是童軍集會的列隊 (唔通因為我好耐冇返集會?)
後面還排著一位小學同學 (奇怪, 點解會係佢?)
之後幹了甚麼, 忘記了
(但係在夢境中我有意識咁諗"第二次發這個夢啦" =.=)

(之後同朋友講開, 佢話根據佛洛依德的理論, 夢到水係代表同性有關 Orz)
(聽佢講完之後就冇再發到呢個夢, 嘿)

第二個夢就精彩好多, 基本上係奇/科幻式愛情故事
(由於只係記得片段,但還不能整理出一個故事, 故以列點表達)
- 我係個學者
- 地方: 科學園(?)
- 自己的枱
- 有間戲院(?)
- 我的發明 - 以摩氏密碼為原理,手提電腦樣的文字通訊器
- 女主角 (可惜唔記得咩樣)
- 外星人 / 鬼怪 (都唔知係邊種)
- 激戰 (我都有份打!)
- 風水先生 (居然唔係老鄧, 而係蘇X峰 =.=)
- 風水先生的一個預言 (一張圖)
- o個張圖: 背景係戰火連天, 有一隻外星人 / 鬼怪 生出樹枝般的手爪著了全部科學園的人, 在半空之中舞動 (呢張圖我好記得, 發完個夢一醒, 只係記得呢張圖)
- 風水先生要求激戰時的人員全部撤走, 唔係的話兩分鐘之後個預言就會成真
- 當是真係全體撤退
- 其中一隻外星人/鬼怪的屍體(?)留在戲院(或者係密室?)
- 當回復太平後(一段時間), 隻外星人/鬼怪復活! 預言發生!
- 我同女主角逃走

前晚同尋晚就係發呢個夢
個夢咁鬼刺激, 訓醒都唔覺訓過 =.=

睇下今晚會唔會繼續發呢個夢, 又或者發多幾次, 咁就可以寫返個故事出來 :x

CRE pass!!

哈, 以為會有fail
點知好好彩三科都pass!!
AO! 我來也....interview :x

綜合心理測驗 Version 1.0

個性
你有很好的平衡感，偏重邏輯式的思考方式。在想要某東西之前，都會冷靜的判斷自己的經濟能力。你不會勉強的貸一筆鉅款去買房子。你是一個在心智上完全臻於成熟的人。每天精神奕奕、充滿自信，同時又很受到朋友們的信賴。但是相對地，你對日常生活乃至人生的態度稍嫌嚴肅了一點。或許是因為你給別人的印象就是如此，而你也刻意地去表現出這一面。不過，如果你能更加任性點，偶而輕鬆一下，不要固執地想要一直去扮演完人的角色。說不定反而能提高你的聲望也說不定。你是那種吵架吵完就忘的類型。無論吵得再凶，對方說得多難聽，睡了一覺之後，你都好像沒發生過一樣地能和對方繼續相處。這樣的態度，反倒是讓對方自己覺得慚愧，而能順利地言歸於好。在你的觀念裡，認為錢是要用來花的，而不是用來存的，所以，只要是你想要的東西，就不會計較金錢而非買不可。你賺多少錢就會花多少，不會把錢留下來，又加上你的審美觀很豐富，所以買的東西價位都相當高。你的個性稍微有點愛好虛榮，所以要特別注意，同時要改掉浪費的壞習慣。你是一個有自信的人，雖然你不是做到態度上的咄咄逼人，可是只要你堅持一個想法，無論別人如何去唆使、蠱惑你，你都不為所動，不過這不代表你是剛愎自用的，相反的，你很喜歡聽到別人對你的建言，是一個很不錯的人喲！你肯定是那種大哥大或大姊大級的人物，見到別人侵犯你的權益，或是惹了你身邊的小嘍囉，那你絕對會馬上挺身而出，傾全力討回公道。不過你也是會英雄惜英雄，假使只是場小誤會，等到風波過去，你會將對方當做是知交一般看待，是個很有風度的敵人。你是心地非常善良的人，但與人相處時為了不想暴露自己的缺點而設了一道防線，所以有時會被人誤會為不容易親近之人，雖然朋友不多，但能擁有深厚友誼。再者有優秀的數字能力，能在理工上一展長才。你的個性保守,相當重視道德.因此這種類型的人很重視自己的想法,不勉強自己與他人交往,有頑固的一面.你能擁有一份可以發揮自己專長的工作,逐步完成自己的夢想。思考問題條理分明，對你而言，周圍的人覺得很怪異的事情，你也能理出頭緒，並找出解決辦法，注意不要太固執己見。

愛情
你在感情上是充滿安全感的人，在朋友中深的人緣，從不與人有正面衝突，總是盡可能包容別人，你相信人與人能和平共處，極少無意義的打擾別人，朋友也不會過度打擾你，生活過的悠然自得。你是個敢愛敢恨的人.一旦你遇見心目中的理想情人,便會勇敢的向他表白. 在他面前,你也會呈現你最自然的一面,一心一意追求平凡且永恆的感情。先天上你就是一個會掌控戀情的人，不管是怎樣的戀情，一但讓你遇上了，你都能順利地照著自己的意思運作；而且你非常地瞭解異性的心理，知道什麼時候該撒嬌、什麼時候該使性子，這也正是你的魅力所在，所以對方很快地就會被你吸引。在一旁等到沒人時才上前去欣賞那幅畫，正是屬於等候型的人。這種人只會傻傻的等待机會上門，不會自己去尋找，因此常有眼睜睜看著心上人被人搶走的經驗，真可憐！你喜歡的人很多嘴，有時你覺得囉嗦，離開又覺得寂寞，因此你很快的將愛表露出來。男性會喜歡修長，大眼而眼神如男性般有神采的女人。你的個性還蠻活潑的，對於感情，也比較傾向直來直往的方式，所以，你的感情常在哥兒們環境醞釀，和情人一起，就有如和朋友一樣輕鬆自然，是對打打鬧鬧的歡喜冤家。你會使用柔性策略來誘引愛人入甕，因為你知道太過強硬只會造成對方的反彈，就像是無法吹掉旅人外套的西風一樣，你寧願散發溫暖的光芒，讓愛人衷心願意留在你身旁。不過，你也是非常講理的人，只要是必要的活動，你不會限制對方去參加，而且願意成為支持者，真是個明事理又貼心的理想情人啊！你會因愛人的言行舉止，而產生許多迷惑，你不能肯定他是否真心愛你，也不知道愛情會延續多久，所以你時常為了這個問題而煩惱不安，其實你不必這麼懷疑對方，應該以信心和誠意來對待他，才能共創永恆的愛情。基本上你算是很專情的，只是你好像不太願意去承認這些事，只把這種愛慕放在心裡，面對性時，你只是像個孩子一樣，雖然笨拙，但也純真得可愛！你給異性一種開朗活潑的印象，因此你謁適合跟健康型的人在一起。但是直腸子的你別忘了注意一下，也許有人暗戀你而不敢說哦！這種注意格調的人，多半都是注意外表的人。你是否會認為沒戀人是件很沒面子的事呢??而當你到他家作客時，由你所在意的事情便可以看出你是否真的喜歡他。你的醋勁不算太大，但是偶爾會疾火中燒，不過不是很強烈，不過忍耐太久 就會有爆發的可能。

事業
看來這裡面最聰明的就是你了，你是一個有城府的人，做什麼事，都會經過詳細的計算和籌畫，可是最不按牌理出牌的人也是你，可能在笑臉的背後，隱藏著什麼重大的陰謀噢！可是你把全部的聰明全放在人際的周旋，相對的，卻對業務上的助力短缺，小心聰明反被聰明誤！你可說是頭號野心份子，對事業雄心勃勃，表面上看來是個好相處的人可是從進一公司那天起，無不處心積慮想要向上爬，力求個人表現，努力做功夫，爭取權力高層的注意。

人際關係
無論遇到甚麼人，你也會真誠相對，實話實說，可謂有點天真爛漫。不過，在某些場合上，卻因過份的毫無保留而令對方感到尷尬。因為性格率直無機心，所以很受朋友歡迎。為了顯示實力，也會向別人提供不少八卦秘聞，總之有你出現的地方，就絕不會有沉悶場面。工作上，率直的性格令你成為上司的好助手。人人公認你是好好先生，不太會發脾氣，所以和你在一起的時候，不會感到太大的壓力。但那也是你外表顯現的特質，因為你喜歡與人為善，不愛和別人起衝突，寧可自己吃虧，把怨氣往肚子裡吞，臉上還是不慍不怒。假如對方還是很過份，你只會默默與對方保持距離，也不會在別人背後口出惡言。你是那種很看重友誼的人，對朋友很好。

http://www.whobirdyou.com/test.asp

陳奕迅2006年《GET A LIFE》演唱會

12月7號開始中銀信用卡可以優先訂飛!

快d去訂飛啦!!!! 有伴的話 :D
我都係等出 CD :p

Eason真係好正
正在聽佢的歌的時候會感到好有活力, 好想跟住一齊唱

講開又講
近排幾位我愛聽的歌手都有出新碟
好似克勤的演奏廳, Eason的怎麼樣, 學友的國語版雪狼湖, 王菀之的"I love my name"
克勤隻碟, 幾位音樂大師加上現場錄音, 話要打入天碟市場云云
可惜聽左幾次仍然冇邊隻歌覺得好有印象好好聽咁
克勤唱功雖有零瑕疵之美譽, 可惜越來越機械化, 缺乏感情
亦覺得在音樂方面四種樂器同編曲唔係好夾, 有種強加入去, 可有可無的感覺
(相比起之前與香港管弦樂團合作的演唱會, 港樂．克勤 Live更為突出)
加上歌詞未能好好配合 (老實說歌詞毫無意景)
所以都冇再聽啦, 希望克勤下次再努力~~

至於國語版雪狼湖, 聽了一次後我還是喜歡以前的粵語版, 我想是因為親切感的問題罷 :P

王宛之的 I Love My Name, 聽後感覺上Ivana的唱腔有點似彭玲(亦有人認為似王菲)
同陳綺貞一樣有種少女般的清新, 係耐聽的一類吧
只是當中有一兩首好似音樂與歌聲有點格格不入
不過對一位只係推出了兩張大碟新人來說, Ivana的成長進步係令人期待
(又, 這張碟的編曲,我發覺同黃耀明的電子音樂風格相似, 如果來個crossover可能幾正~)

12月精選電影

又到12月, 將會有好多新電影上影
今年打算會睇的有, 哈利波特四火盃的考驗(英語版), King Kong, 如果．愛

Harry Potter 4 Goblet of Fire
書已經睇左, 整個系列由第四集開始加強黑暗的感覺
亦係呢集開始作者集集都要整死一個人先安心 :P
作為粉絲的我, 頭三集都有睇, 第四集都一定會入戲院
(只係三位主角越來越成熟, 到開拍第五集時三位大人同書中o個種少年的格調...都唔知可以點拍 @@a)

King Kong
金剛, 係呀, 冇錯, 係舊片重拍
睇Trailor見到有恐龍, 又有史前怪獸, 又破壞城市, 你可能會覺得"乜又係咁的野呀, 好多戲都係咁啦, 直頭係侏羅紀公園4之恐龍大戰大猩猩, 冇d新意.."
但係唔好唔記得係舊片重拍的關係, 當年的戲碼係黏土特技, 亦係當年好新的idea
加上出自Lord of the Ring Series 的導演之手, 持技片都係入影院睇先有迫力!

如果．愛
想睇三想野
1. 學友唱歌
2. 靚女周迅跳舞
3. 池珍熙點唱國語歌

有興趣的就一齊睇啦! :D

上年的文字

本來諗住將上年第三季寫下的文字整理下放上來
不過又好似對文中人士唔公平

或者睇下改改, 當故事咁改寫出來
反正當時別人都當係睇故事咁睇
又或者文中人士都忘記左有咁的小故事存活過

p.s. 比老死講中 "依家悶到要寫文打發時間,唉……"

Appraisal

今日返工幫同事頂更
數下數下原來放左一個星期假啦
上個星期六日本來要返工, 不過開頭預備幫位朋友去帶camp所以請左兩日假
(點知一來我要去考試, 二來o個camp唔夠人報名, 所以變相真係放假休息)
加上一個星期內有兩位同事有好路數辭職
攪下攪下我變左星期五晚先開始再返工
唔係今日返去頂更的話我會放成10日!
(不過冇錢冇得去旅行 :P )

講返今日頂更
就左清左個成個星期冇乜點睇的email (放緊假都有check,不過就唔會將之分類刪除等等)
一條友一個上午不停忙著聽cs hotline, 起request, 清request
都唔好話唔忙
(難怪平時cs同事一個人on duty時會忙死)
直到下午site-in-charge返工啦, 咁先好D

之後SIC問起先記得公司要我地做 appraisal, 今日就係deadline!
差d miss左!咪即刻做
哈, 你地做 appraisal除左tick之外要唔要加返d comments咁?
比你會點寫自己?
d同事話咪跟返上年o個份加加減減
咁都起碼要有第一份呀 @@a
結果唔知自己寫左咩的情況下就叫做填好, 比左SIC
當然咁樣係未完啦, 仲要同sic加亞head一齊開個會"討論"下咁 (個正式名係 interview :x)
衰在我之後一路都係返通宵更, 點會有就到佢地正常office hour的時間
最後我都算係咁, 放休息o個日返公司開appraisal個"會"

未同亞head interview之後緊係同SIC私底下傾兩句先
所以特別放工之後都唔走, 半個鐘 office hour之後就同SIC傾下計
先講Jumbo center的問題, 再分析點解咁多同事走
然後放多次風話想轉center, 今次再講話唔轉center或者加強個工作質量的話我會"繼續"搵工 :P
最後提出個加強"工作質量"idea, 睇下反應
睇個反應, 呢個idea雖然唔一定會被接受, 不過希望到時interview提出時會令亞head反思下咁啦

休息多兩日, 就要開始12月通宵之旅 @@

考試

今日去左屯門呂明才中學參加公務員綜合招聘考試
14:10 - 18:45
雖然有成五個鐘
實質考三份卷，每份一個鐘，全都係MC

第一份係 Aptitude Test
唔好比個名誤導以為係考咩個人志向
其實係d logic 野
份卷有60題
第一部分 好d好似網上D logic問題,好似話 A, B, C, D, E一齊跑步
再比四句你
1) A向B同C前但係又慢過D
2) D快過A, E慢過B
3...
4...
要你向四句之中選兩句, 就可以知道邊個跑得最前
第二部分 比段英文(6-7句)你睇，睇完就再比三句英文你，睇下句statement合唔合乎段文的內容, True / False / Can't Tell
第三部分 直頭係當年小學生的學能測驗, 考數字推理(當然advance好多)
第四部分 比幾個圖/數據你,然後分析d數據回答幾條問題

我向第一同第二part用得太多時間, 直到考官話只有15分鐘先發覺後面兩part未做 (都有成份卷的40%), 所以都唔夠時間諗, 睇完似的就填MC
結果都有十幾題未答到, 好彩MC的一個好處係, 可以好快的(亂)填好 :P

呢頭收卷, o個頭就冇停咁考第二份卷 - 中文應用
呢份卷有55題, 都係考一個鐘
第一部分 兩篇長文, 分別答10題MC
第二部分 錯別字 / 錯詞語 之類之類
第三部分 好似係又一篇長文, 不過中間有句子空左, 要選最配合的, 又比幾個改正的句子你選出最好的
呢次我就好緊張d時間, 當做完第一部分的第一篇文之後發覺時間要用好多, 就先做第二同第亖部分, 做完得番5分鐘返去做第一部分的第二篇文, 結果我係先睇左條MC係問邊一段就去睇o個一段, 剛剛好填好最後一題MC就夠鐘! (之後休息時睇到都好多人講中文份卷都做唔晒, 咁可以想像第一份卷更加多人做唔晒, 咁都冇咁驚 :P )

跟住因為要收張答題紙, 亞考官話要對清楚每一個考生的坐位編號確保全部答題紙收齊先可以放人, 所以又坐左10分鐘

好啦, 可以休息20分鐘, 不過太耐冇考試, 個人都已經散散地
最後一份卷 - Use Of English
個format 同 中文應用差唔多, 不過今次早5分鐘就做完份卷
唔係因為份卷簡單, 而係好多野都唔明, 亂填所以有時間多 :D

考完都成6點9啦
希望pass到,有得in下啦!

Data Center

上個星期向觀塘 One 的datacenter幫完手
發覺觀塘係一個理想的工作環境
同荃灣 Jumbo唔同, 係真正NOC的工作, 唔洗做CS野, 又可以多d機會試唔同的equipment
又好過柴灣 Mega, 因為冇老細睇住晒!

今個星期返番荃灣 Jumbo後, 同同事T傾計時講過想轉過 One
點知第二日, 亞同事T話番比我知, 佢會走啦, 番去到政府工
Manager特登過來同佢"傾計", 睇下轉 datacenter / 加人工會唔會留到佢
佢份新工的人工高好多, 咁緊係唔會啦
不過同事T就同Maneger講, Kenny表示過想轉 datacenter架 ...

結果自己唔洗出聲 Manager都知道我想轉
睇下佢遲d有冇反應先

成事的話就好啦!

政府信

之前申請左政務主任一職
一路都收唔到信, 所以已經冇機會啦
點知今晚終於收到信
下個星期六, 3/12有得去考個試
希望過到關啦!

一浪接一浪

真係有咁的前因就有咁的後果

自求多褔

ONE的第一日

今個星期又比外借到觀塘 datacenter 幫手
雖然新同事已經上班，但係Site-in-charge 走左去放假
所以早更只係我同新同事返

星期一總是多煩野的日子
先來有人收帶時, 因為我唔知, 新同事唔熟之下交少左帶
再有客打出來追新IP, 點知份新contract都係上星期尾先簽
sales都未過料比我地
後有 MRTG monitoring report 無端端死左3日冇人知, 有客complain先知有事
然後個 primary DNS server 同 secondary server sync唔到, 又出 alert
再之後就個 whatsupgold system 自己program error close左, 開番之後load個三個月前的profile出來, 跟手係咁出alert話有幾部機ping唔到, 嚇到我地以為又跳電
再再之後就有客話上個月有粒IP比人block左, 到上個星期情況更發嚴重, 全部大陸客都access唔到佢個server
再再再之後就好多客check-in, 連d access card都唔夠用

哈, 我發覺人多的時候呢, 係唔會咁多問題發生o既
硬係要得兩個人, 而呢兩個人都唔係熟D operation的野時就一浪淁一浪
只能夠講向datacenter可以發生的問題好都今日都發生晒
滿足晒我學野的目標啦 XD

希望聽日好少少~
site-in-charge你快d返啦!

What Does Your Birth Date Mean?

Your Birthdate: July 2

You're so intuitive, it's like you have a sixth, seventh, and eighth sense. You connect with others freely and easily - and you tend to have many best friends. Warm and caring, it's hard for you to close your heart to anyone. Affection is like air for you - you need to give and receive it to survive. Your strength: Your universal compassion Your weakness: Your unpredictable mood swings Your power color: Mauve Your power symbol: Butterfly Your power month: February

What Does Your Birth Date Mean?

杯麵

作為一個24小時隨傳隨到的技術支援人員
(哈, Technical Support Officer, officer的譯法係主任? 定係高級職員?)
一個人值班時係沒可能有外出食飯的時間
所以很多時都是食自己, 包括帶飯, 微波爐即食麵, 杯麵
咁多種當然係杯麵最快捷

有沒想過自己食的第一個杯麵係幾時?
我就記得, 第一次食的係小學
市面上剛推出日清合味道杯麵
嚷著要家人買回家
在某個星期日的早上, 不食其他, 只食這個杯麵
(亞媽仲要我做完一樣功課先有得食 :P )
不過對只有七,八歲的小孩子來說, 一個杯麵的份量也太多了, 只食一半就飽上心口

大學時期, 在lab趕工至通宵達旦, 夜半肚餓時幸好有杯麵機救我一命

現在一丁友又係杯麵為伴

作為快餐之王, 卻又可以長伴左右
只希望唔好轉變味道, 令食杯麵都可以加d回憶做調味
(最近覺得d食物越來越唔夠味,係咪連回憶的味道都變淡了)

Discovery Bay

星期五番完通宵之後
發起神經坐車走左去愉景灣

點解係愉景灣?
因為好耐之前 (大約中五時)
英文補習老師係住愉景灣的
當然唔係大補習社, 而係人少少的私人補習社
亦因為人少, 所以全班同學當時都有講有笑

當時老師有一次叫左我地入愉景灣做 oral practice
就係直接同d外國人傾計
話我地係中學生, 而家做緊英語練習, 可唔可以回答我地幾條問題啊之類

個練習過程就唔記得左啦, 太耐的事
反而記得的係一班同學做完練習後, 走左去個沙灘玩
亦係唔記得玩過咩, 只係記得好開心

仲記得有幾個小鬼仔走來一齊玩
玩到黃昏, 大家決定離開
就同班小鬼仔say goodbye
當時班上有位好文靜的女生, 怕怕羞羞的, 令人(起碼有我份)好有好感
呢位女生比個小鬼仔指住我問 (我距離那女生同小鬼子都有兩三個身位咁)
唔知問乜, 好似係問 "who is he"
那女生怕羞的諗左一諗, 可能唔知點答
居然吐出一句 "boy friend" :D
(雖然佢講得細細聲, 但係我都聽到)
之後小鬼仔走開左, 我就問亞女生 "佢問妳咩呀, 做咩指指我o既?"
女生面紅的話沒事

當日的回憶, 今日回味得很
想是少年的情懷不再
一路行, 心平靜下來
愉景灣實在是個很舒服的地方
好像身處於外國小鎮
孩子們的玩樂聲
外國人三五成群的坐著喝酒談天
比起中國人, 外國人的感覺更close


有時間的就去我個相簿睇下啦
還記得, 那女生的花名叫 "何精壯"

眼訓

今日番朝十晚十
可恨的係尋晚係有意識的睡眠..
即係好似冇訓到咁

哎,好眼訓

好了

好了, 沒甚可以寫了
我會好好的喝掉那杯 Julia coffee

不完全

一個自製的芝士蛋糕 (可惜沒有蛋糕 只有材料)


一頓豐富的晚餐 (可惜沒有蜜蜜燒雞翼 只有粟米)

夢

失而復得的喜悅


仲有冇野可以令情緒起伏得更大?

有
當你訓醒
發現失而復得只係存活於一個夢之中

祝妳生日快樂

祝妳生日快樂
祝妳生日快樂
祝妳生日快樂
祝妳生日快樂

一個自製的芝士蛋糕
一頓豐富的晚餐
一束花
一些可愛的禮物
一個會心的笑容




一盒寄出的包裹
一晚的通宵工作

喝完這杯咖啡就走開

經常見到別人憑歌記意
常覺得老土
到頭來自己還是一樣

我們都只是凡人
或許這就是凡人的專利吧

喝完這杯咖啡就走開
作詞：陳昇　作曲：陳昇　編曲：陳昇

不必說你發誓不再見我　就叫我記憶都拋開
不必說你情感已經用盡　就認定別人要死心
撇開不好的情節彷彿還是美夢
所以我決定要一個人住在夢裡面
我知道你很害怕　我總是太倔強
可是我以為這樣你才接近我
老實說也沒有什麼分別　你也別瞎猜
喝完這杯咖啡　我就真的要離開
我也知道現在坐在你的面前的是塊冰冷的木頭
我要為我自己再想一想　想一想
不必緊鎖著眉頭　像犯了什麼大不了的錯
既然已經沒有共同的記憶　也不用一起哭泣
現在你和我的問題　已經不是距離
我還坐在你的面前　你卻已視而不見
Oh～Julia～Julia～
你那發了胖的羅密歐　已經忘了最初的諾言
Wu～女人要的豈是一雙可以依靠的肩膀
看來需要安慰的　絕對不只是女人
早就已經感到你那無助的眼神
Julia～Julia～
熱情燃燒完了　誰還記得最初的心動
要離開　要離開
沒有什麼分別　你也別瞎猜
喝完這杯冰冷的咖啡　我就真的要走開
Wu～Wu～
快要走開　要走開
SHOULD I GO
SHOULD I STAY
TO BE OR NOT TO BE
STUCK ON YOU
Julia Julia 最初的諾言

等待

會明朗化嗎?
或是已經夠清楚了嗎?
還是要等待一次的大崩潰?

11月下的雨

全晚在下雨
不能入睡
幸好冰箱有阿諾舒華辛力加
空肚服下
迷糊的睡了

頹

覺得自己由大學之後就頹廢到現在
雖然有番工，舊時的那份越做越唔上心
現在這份就食自己，遠離開初一心入來學野的想法

呢三日有時間去比個腦跳躍
跳下，諗左去我係咪對妳唔好，妳會離開我
跳下，諗到自己出身三年，好老實講一事無成，起碼自己唔覺有成
跳下，諗到老爸越做越辛苦，我就番工番到咁閒

跳來跳去，情緒低落
谷鬼氣，print左份note，去到當年努力過的自修室
慢慢睇，慢慢讀
一度以為自己唔再識讀書都始終睇得明

萬事起頭難，不過只要一開步就會繼續走下去
我需要妳的支持，我亦相信我已經有了